तीन दिनमै बैंकहरूमा घट्यो ७ अर्ब निक्षेप

यस अवधिमा कर्जा प्रवाह भने ७ अर्बले नै बढेको छ । कात्तिक मसान्तसम्म ४० खर्ब ३४ अर्ब रुपैयाँ कर्जा प्रवाह भएकोमा मंसिर ३ गतेसम्म आउँदा ४० खर्ब ४१ अर्ब कायम भएको छ । बैंकहरुको कर्जा बढ्दै जाँदा निक्षेप भने घट्दै गएको छ ।

कात्तिक महिनामा मात्रै कुल ३६ अर्ब रुपैयाँ निक्षेप घटेको छ जवकि कर्जा प्रवाह ३६ अर्बले नै बढेको छ । यहीं कारण पछिल्लो समय बैंकहरुको कर्जा निक्षेप अनुपात (सिडी रेसियो) ९० प्रतिशत नाघेको छ । राष्ट्र बैंकका अनुसार हाल बैंकहरुको औसत सिडी रेसियो ९०.१८ प्रतिशत छ । उच्च सिडी रेसियोका कारण कतिपय बैंकले नयाँ कर्जा रोकेका छन् ।