सुरुङ मार्ग : चर्चा डेढ दर्जन बढीको, ठेक्का बल्ल एउटाको
काठमाडौँ — सरकारले डेढ दर्जन सुरुङमार्ग र अन्डरपास निर्माणको प्रस्ताव अघि सारे पनि ठेक्का भने बल्ल एउटाको मात्रै सुरु भएको छ । वर्षेनी सुरुङमार्ग निर्माण गर्न भन्दै संख्या र बजेट थपे पनि अहिलेसम्म एउटा मात्र सुरुङमार्गको ठेक्का प्रक्रिया अघि बढाइएको छ ।
सडक विभागका अनुसार अहिलेसम्म सिद्धबाबा सुरुङमार्ग निर्माणका लागि अन्तर्राष्ट्रिय बोलपत्र आह्वान गरी प्राविधिक मूल्याङ्कनको प्रक्रियामा छ ।
अन्य सुरुङमार्गमध्ये केहीको विस्तृत र केहीको प्रारम्भिक अध्ययनको प्रक्रिया जारी छ । केहीको भने प्रस्ताव गरिएको भए पनि अध्ययन समेत हुन सकेको छैन ।
सडक विभागका महानिर्देशक अर्जुनजंग थापाका अनुसार चालु आर्थिक वर्षका लागि निर्माण र अध्ययनका लागि भन्दै डेढ दर्जन बढी सुरुङका लागि १ अर्ब ९९ करोड ६० लाख रुपैयाँ बजेट विनियोजन गरिएको छ । जसमध्ये प्रक्रियागत रुपमा अघि बढेको सिद्धबाबा सुरुङमार्गका लागि ६० करोड रुपैयाँ छुट्याइएको छ ।
कुन सुरुङका योजनामा कति बजेट ?
योजनाको नाम | बजेट |
सिद्धबाबा सुरुङ निर्माण | ६० करोड |
लामा बगर सुरुङ | २५ करोड |
धरान लेउती सुरुङमार्ग | ३ करोड |
सुरुङमार्ग विकास कार्यक्रम | ५ करोड ११ लाख |
विभिन्न प्रस्तावित सुरुङमार्गहरुको सम्भाव्यता अध्ययन | २ करोड |
टोखा–छहरे–गुर्जुभज्याङ सुरुङमार्ग | ५० करोड १० लाख |
अरनिको राजमार्ग कोटेश्वर–जडिबुटि खण्ड सुरुङमार्ग | १० लाख |
दुम्कीबास–बर्दघाट | १० लाख |
हेम्जा नयाँपुल सडक सुरुङमार्ग | १० लाख |
कुलेखानी–भीमफेदी सडक सुरुङमार्ग | १० लाख |
बीपी राजमार्ग खुर्कोट–चियाबारी सुरुङमार्ग | १० लाख |
मझिमटार–शक्तिखोर सुरुङमार्ग | १० लाख |
गणेशमान सिंह मार्ग अन्तर्गत थानकोट–चित्लाङ सुरुङमार्ग | १० लाख |
नयाँ बानेश्वर अन्डरपास | १० लाख |
प्रबास–जोर्ते (पाल्पा) सडक सुरुङमार्ग | ५० लाख |
गौशाला अन्डरपास | ५० लाख |
रसुवागढी बेत्रावति सडक सुरुङमार्ग | ५० करोड ५० लाख |
बबई–छिन्चु सुरुङ | ६० लाख |
ताथली–विओपी सुरुङमार्ग | ५० लाख |
बीपीनगर खुटिया | २८ लाख |
गोदावरी मानचौर सुरुङमार्ग | २५ लाख |
धरान–लेउती सुरुङमार्ग | ३६ लाख |
दुम्लिङ–वासवाङ (चेपाङमार्ग) | १० लाख |
