१८ अंकले बढ्यो सेयर परिसूचक- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

१८ अंकले बढ्यो सेयर परिसूचक

कान्तिपुर संवाददाता

काठमाडौँ — बुधबार सेयर बजारको परिसूचक नेप्से १८ अंकले बढेको छ । सो अंकको वृद्धिपछि परिसूचक २७६९ मा कायम भएको छ । कारोबार रकम पनि सामान्य बढेको छ । आज कुल ६ अर्ब ६१ करोड रुपैयाँको कारोबार भयो । हिजो ६ अर्ब ३१ करोड रुपैयाँको सेयर कारोबार भएको थियो । 

यस दिन कुल १११ कम्पनीको मूल्य बढ्दा ६९ कम्पनीको मूल्य भने घटेको छ । ७ कम्पनीको मूल्य स्थिर रह्यो । यस दिन बैंकिङ १३, फाइनान्स ९, जीवन बीमा ३१७, माइक्रोफाइनान्स ५८, निर्जीवन बीमा १७८, अन्य २२ र ब्यापार उपसमूह २३ अंकले बढे ।

विकास बैंक १, होटल तथा पर्यटन १०, जलविद्युत २० र उत्पादन उपसमूह ४४ अंकले घटे । बेस्ट फाइनान्सको मूल्य सबैभन्दा धेरै ८ प्रतिशतले बढ्यो भने एभरेष्ट बैंक कन्भर्टिबल प्रिफरेन्स सेयरको मूल्य सबैभन्दा धेरै ५ प्रतिशतले घट्यो । कारोबारका आधारमा नबिल बैंक अग्रस्थानमा रह्यो । सो कम्पनीको ४३ करोड रुपैयाँको सेयर किनबेच भयो ।


प्रकाशित : कार्तिक १०, २०७८ १५:१३
प्रतिक्रिया
पठाउनुहोस्

सल्यानमा जीप दुर्घटना : १२ घाइते, तीनको अवस्था गम्भीर

विप्लव महर्जन

सल्यान — जिल्लाको कुमाख गाउँपालिकाको मर्मपरिकाडाबाट नेपालगन्ज जाँदै गरेको भे १ ज ९३० नम्बरको जीप कुमाख-२ धावनेखालामा बुधबार बिहान दुर्घटना हुँदा १२ जना घाइते भएका छन् । जसमध्ये तीनको अवस्था गम्भीर रहेको छ । 

गम्भिर घाइते भएकाहरुलाई थप उपचारका लागि नेपालगन्ज लगिएको र अन्य घाइतेको सल्लीबजारस्थित एक अस्पतालमा सामान्य उपचारपछि थप उपचारका लागि नेपालगन्ज लगिएको जिल्ला प्रहरी कार्यालय सल्यानका सूचना अधिकारी तथा प्रहरी प्रवक्ता प्रहरी निरीक्षक अर्जुन पौडेलले बताए ।

जीप सडकदेखि ६० मिटर तल खसेको प्रहरीले जनाएको छ । दुर्घटनाको कारण खुल्न नसकेको र घटनाको अनुसन्धान भइरहेको उनले बताए ।

प्रकाशित : कार्तिक १०, २०७८ १५:०७
पूरा पढ्नुहोस्
प्रतिक्रिया
पठाउनुहोस्
×