दुई दिनमा प्रतितोला ७ सयले बढ्यो सुनको मूल्य
काठमाडौँ — दुई दिनमा सुनको मूल्य प्रतितोला ७ सय रुपैयाँले महँगिएको छ । नेपाल सुनचाँदी व्यवसायी महासंघका अनुसार आइतबार तोलामा ४ सय रुपैयाँ मूल्य बढेको सुन सोमबार थप ३ सय बढेको हो ।
सोमबार छापावाल सुनको मूल्य तोलामा ९२ हजार ४ सय रुपैयाँ कायम भएको छ । त्यस्तै तेजाबी सुनको मूल्य ९१ हजार ९ सय रुपैयाँ कायम भएको छ । त्यस्तै चाँदीको मूल्य दुई दिनमा तोलामा १५ रुपैयाँले बढेको छ । आइतबार १० र सोमबार ५ रुपैयाँ प्रतितोला मूल्य बढेर १ हजार २६५ रुपैयाँ कायम भएको महासंघले जनाएको छ ।
प्रतिक्रिया
