सेयर बजारको परिसूचक २७ अंकले बढ्यो - अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

सेयर बजारको परिसूचक २७ अंकले बढ्यो 

कान्तिपुर संवाददाता

काठमाडौँ — साताको पहिलो दिन आइतबार सेयर बजारको परिसूचक नेप्से २७.५ अंकले बढेको छ । सो अंकको वृद्धिसँगै परिसूचक २५८४ अंकमा कायम भएको छ । यस दिन कारोबार रकम भने ३ अर्ब पनि पुगेन । कुल २ अर्ब ७७ करोड रुपैयाँको सेयर किनबेच भएको छ । 

ब्यापार उपसमूह २० अंकले घट्यो । सोबाहेक अरु सबै उपसमूह बढेका छन् । बैंकिङ ६, होटल तथा पर्यटन ४३, विकास बैंक ७२, जलविद्युत ६५, फाइनान्स ८९, निर्जीवन बीमा ३९ र जीवन बीमा उपसमूह ६७ अंकले बढे । त्यस्तै उत्पादन १०५, अन्य ५५ र लघुवित्त उपसमूह ५३ अंकले बढे ।

कुल १५० कम्पनीको मूल्य बढेको छ भने ३१ कम्पनीको मूल्य घटेको छ । त्यस्तै ६ कम्पनीको मूल्य स्थिर रह्यो । दुई कम्पनीको सेयर मूल्य १० प्रतिशतले बढेको छ । बेस्ट फाइनान्स र रिडी हाइड्रोपावरको मूल्य १० प्रतिशतले बढेको हो । मेरो माइक्रोफाइनान्सको मूल्य सबैभन्दा धेरै १० प्रतिशतले घटेको छ ।


प्रकाशित : कार्तिक ७, २०७८ १५:११
प्रतिक्रिया
पठाउनुहोस्

बाढी पीडितलाई सहयोगबारे अर्थमन्त्री र बेलायती राजदूतबीच छलफल

कान्तिपुर संवाददाता

काठमाडौँ — अर्थमन्त्री जनार्दन शर्मा र नेपालका लागि बेलायती राजदूत निकोला पोलिटबीच शिष्टाचार भेटवार्ता भएको छ ।  आइतबार मन्त्रालयमा भएको भेटमा द्धिपक्षीय हितका साथै नेपालमा जलवायु परिवर्तनको असरबारे छलफल भएको छ ।

भेटमा सुदूरपश्चिमसहित देशका विभिन्न स्थानमा भएको बेमौसमी वर्षा र बाढी पहिरोले पुर्‍याएको जन, धन र पूर्वाधार क्षतिका सम्बन्धमा समेत कुराकानी भएको छ । साथै पुनर्स्थापना, क्षतिपूर्ति र क्षतिग्रस्त पूर्वाधारहरुको निर्माणका लागि आवश्यक सहयोग सम्बन्धमा सकारात्मक कुराकानी भएको छ ।

मन्त्री शर्माले अन्तर्राष्ट्रिय विकास साझेदारहरुको ध्यानाकर्षण समेत गराएका छन् । यस्तै भेटमा जलवायु परिवर्तन सम्बन्धी संयुक्त राष्ट्र संघीय सम्मेलन २०२१ मा जलवायु परिवर्तनका कारण प्रभावित बनेका नेपालजस्ता देशहरुले क्षतिपूर्ति पाउने गरी प्रभावकारी नीतिगत व्यवस्था हुनुपर्ने विषयमा पनि छलफल भएको छ ।


प्रकाशित : कार्तिक ७, २०७८ १४:५४
पूरा पढ्नुहोस्
प्रतिक्रिया
पठाउनुहोस्
×