भारतीय कम्पनीको 'पाइरिमाइड' औषधिको विक्री-वितरणमा रोक

विभागले शनिबार सूचना प्रकाशित गर्दै सिक्किमको कुम्रेक, रेंगपोस्थित अल्केम लेब्रोरेटोरिज लिमिटेड कम्पनीले उत्पादन गर्दै आएको ‘पाइरिमाइड (निमेसुलाइड) ’ नामक औषधि सिफारिस, विक्री वितरण र प्रयोग गर्न रोक लगाएको हो । यो दुखाइ कम गर्नका लागि प्रयोग हुने औषधि हो ।

‘अनुगमनको क्रममा संकलन गरिएका औषधिको नमुना परीक्षण गर्दा न्यून गुणस्तर भएको पाइएकाले औषधि ऐन २०३५ को दफा १४ बमोजिम बिक्री वितरणमा रोक गरी बजारबाट फिर्ता (रिकल) गर्नुपर्नेछ,’ विभागको सूचनामा भनिएको छ, ‘उक्त औषधिको विवरण विभागमा पेश गर्न सम्बन्धित उद्योग तथा आयातकर्ता र तिनका प्रतिनिधिहरुलाई जानकारी गराइन्छ ।’

दुई वर्षअघि उत्पादन गरिएकोको ब्याच नम्बर १९१३००७० को औषधिको अब दुई महिनामा म्याद गुज्रिन लागेको थियो ।