ढकमक्क फूले सयपत्री (फोटो फिचर)
काठमाडौँ — तिहार आउनु एक महिनाअघि नै खोटाङका प्राय गाउँमा सयपत्री ढकमक्क फूलिसकेका छन् । कसैले फूलबारीमा त कसैले कोदोबारीमा यो फूल लगाएका छन् । बारीका कान्ला भित्ता पनि सयपत्रीले पहेंलपुर छन् । ढकमक्क सयपत्रीले गाउँघरमा तिहार आएको जनाउ दिइसकेको छ । यहाँको फूल बजार अभावमा बिक्री हुँदैन । तिहारपछि बारीका फूल सुकेर नासिन्छन् । फूल राम्रो फूल्ने भएपनि नजिकै बजार नहुँदा किसानले यसलाई व्यवसायिक खेतीका रुपमा लगाउने गरेका छैनन् ।