पर्वतीय उडान सुरु- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

पर्वतीय उडान सुरु

कान्तिपुर संवाददाता

काठमाडौँ — निषेधाज्ञाका कारण वैशाखयता ५ महिना बन्द रहेको माउन्टेन फ्लाइट (पर्वतीय उडान) चाडपर्वको आगमनसँगै खुला भएको छ । सरकारले निषेधाज्ञा खुकुलो गरेसँगै बुद्ध एयर र यति एयरलायन्सले काठमाडौंबाट हुने पवर्ततीय उडान सुचारु गरेको जनाएका छन् ।

पर्वतीय उडान हुने रुटमा दुवै वायुसेवाले गणेश हिमालदेखि विश्वकै अग्लो हिमचुचुरो सगरमाथासम्म कम्तीमा एक दर्जन हिमालको नजिकैबाट दृश्यावलोकन गराउँछन् । यो रुटमा काठमाडौंबाट उड्ने जहाज २५ हजार फिट उचाइमा उड्दै फन्को लगाउँदै काठमाडौंमै फर्किन्छन् ।

पर्यटन बजार चलायमान बनाउन बुद्धले हरेक शनिबार ९ हजार ९ सय ९९ रुपैयाँमा बिक्री गर्ने एउटा टिकटमा अर्को एकजनालाई सित्तैमा उडाउने अफर ल्याएको छ । यो अफर नेपाली र भारतीय नागरिकका लागि मात्रै हो ।

भारतीयबाहेक अन्य मुलुकका नागरिकहरुले पर्वतीय उडानको टिकट १ सय ९२ डलर मा खरिद गर्नुपर्ने हुन्छ । यात्रु संख्या १९ भन्दा बढी भए बुद्धले ७० सिट क्षमताको एटीआर–७२ जहाज उडाउने जनाएको छ । बुकिङ कम भएमा १९ सिट क्षमताको बिचक्राफ्ट जहाज उडाउँछ ।

यसैबीच यतिले हरेक आइतबार पर्वतीय उडान सुरु गर्ने घोषणा गरेको छ । ‘मौसममा केही सुधार हुने संकेत देखिएको र सेप्टेम्बर–मार्च महिना उपयुक्त मानिने भएकाले पर्वतीय उडान सुचारु गरिएको छ,’ यतिका प्रवक्ता सुर्दशन बर्तौलाले भने ।

यतिले पर्वतीय उडानमा एटीआर–७२ विमान उडाउने छ । उसले दुई जना नेपालीलाई ९ हजार ८ सय ४८ रुपैयाँ तथा दुई जना आवासीय विदेशीका लागि १४ हजार ७ सय ७५ रुपैयाँ भाडा तोकेको छ । यतिले एक जनामात्रै नेपाली वा भारतीय भएमा सगरमाथाको उचाइ बराबर अर्थात ८ हजार ८ सय ४८ रुपैयाँ एउटा टिकटको भाडा तोकेको छ ।

हिमालमा पदयात्रा तथा आरोहण गर्न नसक्ने हिमालप्रेमी विदेशीहरुका लागि नेपालको माउन्टेन फ्लाइट प्रख्यात छ । कोरोना संक्रमणअघि निजी वायुसेवाहरुले पूर्वमा विराटनगर र पश्चिममा पोखराबाट पनि माउन्टेन फ्लाइट सुरु गरेका थिए । तर, कोरोना संक्रमणसंगै यी दुई स्थानबाट हुने उडान बन्द हुन पुगे ।

प्रकाशित : आश्विन ६, २०७८ १४:२०
प्रतिक्रिया
पठाउनुहोस्

चीन र भारतसँग सन्तुलित सम्बन्ध हुन्छ : परराष्ट्रमन्त्री

कान्तिपुर संवाददाता

काठमाडौँ — नवनियुक्त परराष्ट्रमन्त्री नारायण खड्काले आफ्नो कार्यकालमा चीन र भारतसँग सन्तुलित सम्बन्ध हुने बताएका छन् । बुधबार दिउँसो सिंहदरबारस्थित परराष्ट्र मन्त्रालयमा पदभार ग्रहण गर्दै उनले चीन र भारतबीचको सम्बन्ध अत्यन्त समधुर र घनिष्ठ हुने बताएका हुन् ।

यस्तै मन्त्री खड्काले परराष्ट्र नीति दल विशेषको नभएर सबैसँगको सहमतिमा अघि बढ्ने प्रतिबद्धता व्यक्त गरेका छन् । ‘परराष्ट्र मन्त्रालयले अत्यन्तै महत्वपूर्ण जिम्मेवारीका साथ अघि बढ्नुपर्ने समय आएको छ । अन्तर्राष्ट्रिय परिवेश जसरी अघि बढिरहेको छ, त्यसले हाम्रो देशलाई पार्न सक्ने प्रभाव र सम्बन्धहरुमा सन्तुलन कायम राख्दै हामीले जिम्मेवारी निभाउनुपर्नेछ,’ मन्त्री खड्काले भने, ‘यो राष्ट्रिय हितको विषय भएकाले सबै दलको सहमति समेतलाई ध्यान दिएर, सबै नेताहरुसँग परामर्श र सहमति गरेर हाम्रा अहिलेका जल्दाबल्दा विषयहरु र भावी दिनमा आउन सक्ने विषयहरुलाई सम्बोधन गर्ने गरी काम गर्छु ।’

मन्त्री खड्काले एमसीसी र बीआरआईलगायतका विषयमा भने थप अध्ययन गरेर तथ्यगत र मिथ्यागत विषयहरुलाई समेत ध्यानमा राखेर नेपालको हितमा हुने गरी सबै राष्ट्रहरुसँग घनिष्ठ र सन्तुलित सम्बन्ध कायम गर्ने गरी अघि बढ्ने बताए ।

उनले राष्ट्रिय सहमतिलाई समेत ध्यानमा दिएर जल्दाबल्दा समस्याहरुलाई सम्बोधन गर्ने पनि बताए । गतिशील, आधुनिक र प्रविधियुक्त मन्त्रालय बनाउने आफ्नो प्राथमिकता भएको उनले बताए ।

प्रकाशित : आश्विन ६, २०७८ १४:०६
पूरा पढ्नुहोस्
प्रतिक्रिया
पठाउनुहोस्
×