नेप्सेमा ११४ अंकको गिरावट, साढे ८ अर्बको सेयर कारोबार- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

नेप्सेमा ११४ अंकको गिरावट, साढे ८ अर्बको सेयर कारोबार

कान्तिपुर संवाददाता

काठमाडौँ — सोमबार सेयर कारोबार मापक नेप्से परिसूचक १ सय १४.०२ अंकको गिरावटसहित २ हजार ६ सय ९८.२५ अंकमा ओर्लेको छ । अघिल्लो कारोबार दिनको तुलनामा यो ४.०५ प्रतिशतले कम हो । 

गत बिहीबार नेप्से २ हजार ८ सय १२ अंकमा रहेको थियो ।

सोमबार पनि सेयर बजार निकै उतारचढावपूर्ण देखियो । सोही क्रममा कुनैसमय नेप्से १ सयभन्दा धेरै अंकले घटथ्यो भने छोटो समयमै गिरावट दरमा कमी आउथ्यो । यो क्रम दिनभर नै चल्यो ।

दिनभरको कारोबारमा ८ अर्ब ४९ करोड रुपैयाँ बराबरका सेयर किनबेच भएको छ ।

प्रकाशित : आश्विन ४, २०७८ १५:१९
प्रतिक्रिया
पठाउनुहोस्

सालकको खपटासहित एक पक्राउ

राजकुमार कार्की

सिन्धुली — प्रहरीले सालकको खपटासहित एकजनालाई सोमबार नियन्त्रणमा लिएको छ । सिन्धुलीको कमलामाई नगरपालिका २ खट्टारका ३० वर्षीय मदनसिङ बम्जन दुई वटा सालकका खपटासहित प्रहरीले पक्राउ गरेको हो ।


बीपी राजमार्ग अन्तर्गत पिपलभन्ज्याङ नजिक हिँडिरहेका बम्जनको साथबाट सालकको शरीरको पुरै भाग भएको २ फिट ५ इन्च र १ फिट ९ इन्चको दुईवटा खपटा प्रहरीले बरामद गरेको हो ।

अवैध कारोबारका लागि काठमाडौंतर्फ लैजान राजमार्गमा गाडी चढ्न आएको बेला बम्जनलाई नियन्त्रणमा लिइएको डीएसपी मनोजकुमार लामाले जानकारी दिए । बम्जनलाई खपेटासहित आवश्यक कारबाहीका लागि डिभिजन वन कार्यालयमा बुझाइएको प्रहरीले जनाएको छ ।


प्रकाशित : आश्विन ४, २०७८ १५:१५
पूरा पढ्नुहोस्
प्रतिक्रिया
पठाउनुहोस्
×