विद्युतीय कार धमाधम जाँचपास- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

विद्युतीय कार धमाधम जाँचपास

कान्तिपुर संवाददाता

पर्सा — संघीय सरकारको बजेट भाषणपछि वीरगन्जस्थित सिर्सिया सुक्खा बन्दरगाहमा लामो समयदेखि थन्किएका विद्युतीय कार जाँचपास भई छुटेका छन् ।

बन्दरगाहस्थित भन्सार कार्यालयका सूचना अधिकृत चूडामणि शर्मा कट्टेलका अनुसार बजेट भाषणपछि ६७ थान विद्युतीय कार जाँचपास भई छुटेका छन् । जसमा किया ब्रान्डका ४५ थान र

एमजी ब्रान्डका २२ थान विद्युतीय कार छन् ।बन्दरगाहको यार्डमा अब मुद्दा परेका आधा दर्जन र मुद्दा नपरेका टेस्ला ब्रान्डका २ विद्युतीय कार मात्र जाँचपासका लागि बाँकी रहेको कट्टेलले जानकारी दिए । यी कार करिब ६ महिनादेखि बन्दरगाहको यार्डमा अड्किएका थिए । चर्को अन्तःशुल्क र भन्सार शुल्कको कारण आयातकर्ता आफ्नो कार जाँचपास गर्न अनकनाई रहेका थिए । सरकारले बजेट भाषणमार्फत विद्युतीय कारको भन्सार शुल्क घटाउनुका साथै अन्तःशुल्क मिनाहा गरेपछि आयातकर्ताले धमाधम विद्युतीय कार जाँचपास गराएर लगेका हुन् । बन्दरगाह यार्डमा यसबाहेक करिब डेढ दर्जन पेट्रोलकारसमेत छन् ।


प्रकाशित : असार १५, २०७८ ०७:१०
प्रतिक्रिया
पठाउनुहोस्

रेम्डेसिभिर नेपालमै उत्पादन हुने

खुद्रा मूल्य ३५००
कान्तिपुर संवाददाता

काठमाडौँ — कोभिड–१९ संक्रमितका लागि उपयोगी हुने रेम्डेसिभिरको उत्पादन नेपालमै हुने भएको छ । औषधि व्यवस्था विभागले नेपाली औषधि उद्योग ‘नेसनल हेल्थकेयर’लाई उत्पादन अनुमति दिएको छ ।

कम्पनीद्वारा जारी विज्ञप्तिअनुसार गत वैशाख ३१ गते उत्पादन र गत आइतबार बजार इजाजत समेत पाएको जनाएको छ । ‘नेसनल हेल्थकेयरद्वारा उत्पादित रेम्डेसिभिरको ब्रान्ड नेम रेम्सिभि। रहेको र प्रति भायल को अधिकतम खुद्रा मूल्य (एमआरपी) ३५ सय रहेको छ,’

कम्पनीद्वारा जारी विज्ञप्तिमा भनिएको छ । रेम्सिभिर नेपालभरिका आफ्ना वितरकहरूमार्फत उपलब्ध हुने कम्पनीले जनाएको छ । रेम्डेसिभिरलाई अमेरिकाको खाद्य तथा औषधि नियामक निकाय (एफडीए) ले कोराना संक्रमितको उपचारमा आपत्कालीन प्रयोग अनुमति दिइसकेको छ ।


प्रकाशित : असार १५, २०७८ ०७:१०
पूरा पढ्नुहोस्
प्रतिक्रिया
पठाउनुहोस्
×