डिपो जोगाउन निगमका कर्मचारीदेखि चालकलाई तालिम- अर्थ / वाणिज्य - कान्तिपुर समाचार

डिपो जोगाउन निगमका कर्मचारीदेखि चालकलाई तालिम

कान्तिपुर संवाददाता

काठमाडौँ — नेपाल आयल निगमले अमलेखगन्ज पेट्रोलियम डिपोमा फायरफाइटिङसम्बन्धी तालिम सुरु गरेको छ । डिपोमा इन्धन ढुवानी र लोडिङको क्रममा हुने जोखिमलाई मध्यनजगर गर्दै डिपो कर्मचारी, नेपाली सेना, चालक,  सहसञ्‍चालक र स्थानीयसहितलाई तालिम दिन सुरु गरेको हो ।

‘ट्यांकर डिपोमा आउँदा ध्यान दिनु कुराहरु, आगलागी सम्भावित घटना र त्यसलाई चुस्त व्यवस्थापन गर्नका लागि तालिम सुरु गरेका छौं,’ आयल निगम २ नम्बर प्रादेशिक कार्यालय, अमलेखगन्ज प्रमुख प्रदीप यादवले भने, ‘पहिलो दुई दिन डिपोमा रहेका कर्मचारी र सुरक्षामा खटिएका सेनालाई दिएका छौं । अब ट्यांकर चालक, पम्प सञ्‍चालक र स्थानीयलाई पनि दिन्छौं ।’ एक हप्ता सञ्‍चालन हुने तालिम भारतीय आयल निगम (आघओसी)को विज्ञ समिर दासले तालिम दिइरहेका छन् ।

‘चैत २३ देखि सुरु भएको फायरफाइटिङसम्बन्धी तालिम चैत २९ गतेसम्म चल्नेछ,’ प्रमुख यादवले भने, ‘तालिमले विपत व्यवस्थापनले धेरै मद्दत पुग्ने आशावादी छौं ।’

अमलेखगन्ज डिपोबाट करिब ४ सय ट्यांकरबाट इन्धन ढुवानी हुन्छ । उक्त डिपोबाट इन्धन ढुवानी गर्ने चालक/सहचालकहरुलाई लट/लटअनुसार तालिम दिइने जनाएको छ । ‘डिपोभित्र छिर्दा, चालक, सहचालकले जुत्ता, हेलमेट लगाएर, मोबाइल अफ गरेरमात्रै डिपो परिसर जानुपर्छ । इन्धन लोड गर्नेक्रममा आफ्नो गाडीमा भएको फायर बोत्तल पनि सुरक्षित राख्न जरुरी छ,’ यादवले भने, ‘यी साना/साना कुरामा ध्यान दिए सम्भावित दुर्घटना रोक्न सकिन्छ ।’


प्रकाशित : चैत्र २६, २०७७ १७:३९
प्रतिक्रिया
पठाउनुहोस्

आहा रारा गोल्डकप : अफ्रिकन रुट्स फाइनलमा

लालप्रसाद शर्मा

पोखरा — पोखरा रंगशालामा जारी आहा–रारा गोल्डकप अन्तर्गत बिहीबार भएको सेमिफाइनलमा अफ्रिकन रुट्स एसोसिएसन नेपाल पुलिसलाई हराउँदै फाइनलमा प्रवेश गरेको छ । अफ्रिकन रुट्ससँग २–० गोलको हारसँगै प्रहरी सेमिफाइनलबाबाटै बाहिरिएको हो ।

तस्बिर सौजन्य : सुदर्शन रञ्जित

खेलको पहिलो हाफको २ मिनेटमै रुट्सका बसिकले पहिलो गोल गरेर खेलमा अग्रता दिलाएका थिए । यसपछि प्रहरी निकै दबाबमा थियो । पहिलो हाफको सुरुमै दबाबमा परेको प्रहरीले प्राविधिक रुपमा राम्रो खेले पनि एउटै गोल गर्न सकेन । दोस्रो हाफपछि थपिएको ४ मिनेटको समयमा ९३.४० मिनेटमा अफ्रिकनका मउसाले अर्को गोल गरेर फराकिलो जित भएका थिए । अफ्रिकनका खेलाडी अग्लो भएकाले पनि हाइ पासेज र हेडरको थेरै प्रयोग गरेका थिए । खेलमा दुवै टीमका ३/३ जना खेलाडीले पहेँलो कार्ड पाएका थिए । प्रहरी यसअघिका विभिन्न वर्षमा आहा रारा प्रतियोगिता ६ पटकसम्म विजेता र ४ पटक उपविजेता थियो । मंगलबार भएको सेमिफाइनलमा पुलिसले थ्रीस्टारलाई ४–० को फराकिलो जित हासिल गर्दै सेमिफाइनलमा पुगेको थियो ।

अब शनिवार हुने फाइनल खेलमा अफ्रिकन र संकटा क्लब भिड्नेछन् । दुवै टिम पहिलोपटक फाइनलमा पुगेका हुन् । अफ्रिकन टिम भने यो प्रतियोगितामा पहिलोपटक सहभागी भएको थियो ।

प्रकाशित : चैत्र २६, २०७७ १७:३२
पूरा पढ्नुहोस्
प्रतिक्रिया
पठाउनुहोस्
×