‘बैंकिङ कसुरका नयाँ प्रवृत्तिले समस्या’- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

‘बैंकिङ कसुरका नयाँ प्रवृत्तिले समस्या’

कान्तिपुर संवाददाता

काठमाडौँ — बढ्दो सूचना प्रविधिको विकाससँगै बैंकिङ क्षेत्रमा देखिएका नयाँ प्रवृत्तिले चुनौती थपेको विज्ञहरूले औंल्याएका छन् । कतिपय चुनौती कानुनले पनि नसमेटेकाले नियन्त्रणमा समस्या भएको उनीहरूको भनाइ छ । बैंकिङ कसुरसम्बन्धी अन्तर्क्रिया कार्यक्रममा उनीहरूले यस्तो बताएका हुन् ।


बैंकिङ कसुर र सजायसम्बन्धी कानुन जारी भएपछि बैंकिङ कसुरजन्य क्रियाकलापको नियन्त्रणमा मद्दत मिले पनि पछिल्लो समयमा कसुरका नयाँ प्रवृत्तिले चुनौती थपेको राष्ट्र बैंकका गभर्नर महाप्रसाद अधिकारीको भनाइ छ । त्यसका निम्ति विद्यमान कानुनी व्यवस्थालाई संशोधन र परिमार्जन गर्नुपर्ने उनले बताए । ‘सूचना प्रविधिको विकाससँगै बैंकिङ कसुरका नयाँनयाँ प्रवृत्ति देखिन थालेका छन् । तिनको नियन्त्रणलाई विद्यमान कानुनले समेट्न सकेको छैन,’ उनले भने, ‘त्यसलै कानुनी व्यवस्थामा सुधार गर्नुपर्ने आवश्यकता छ ।’

नेपाल राष्ट्र बैंक कानुन महाशाखाले २०७७ चैत १३ मा काठमाडौंमा ‘बैंकिङ कसुरको अनुसन्धान, अभियोजन तथा बैंकिङ सुपरिवेक्षण’ विषयक एकदिने अन्तरक्रिया कार्यक्रम आयोजना गर्‍यो । महान्यायाधिवक्ता रमेश बडालको प्रमुख आतिथ्यमा आयोजित कार्यक्रममा नेपाल राष्ट्र बैंक, महान्यायाधिवक्ताको कार्यालय र नेपाल प्रहरीका अधिकारीहरूको सहभागिता थियो । कार्यक्रममा बैंकिङ प्रणालीमा देखिएका कसुरलाई नियन्त्रण गर्दै वित्तीय प्रणालीप्रति सर्वसाधारणको विश्वसनीयता अभिवृद्धि गर्नुपर्ने महान्यायाधिवक्ता रमेश बडालले बताए । त्यसका निम्ति राष्ट्र बैंक, सरकारी वकिल र नेपाल प्रहरीबीच प्रभावकारी समन्वय एवं सहकार्य हुनुपर्ने उनको धारणा छ । ‘विगतमा हामीबीच समन्वयको अभावले कुनै समस्या उत्पन्न भएको छ भने त्यसमा सुधार गरौं,’ उनले भने, ‘अबको अन्तर निकाय समन्वय र सहकार्यलाई प्रभावकारी बनाउँदै अघि बढ्ने हो ।’

सरोकारवाला सबै निकायको पारस्परिक समन्वय र सहकार्यबाट मात्रै बैंकिङ कसुर नियन्त्रणमा उपलब्धि हासिल हुने प्रहरी महानिरीक्षक शैलेश थापा क्षेत्रीको भनाइ छ । ‘हुन्डी र मौखिक माध्यमबाट हुने अन्य कारोबारले वित्तीय प्रणालीमा जोखिम सिर्जना गरेको देखिन्छ,’ उनले भने, ‘सहकारी संस्थाको कारोबारलाई पनि प्रभावकारी नियमनको दायरामा ल्याउनुपर्ने आवश्यकता छ ।’

प्रकाशित : चैत्र १६, २०७७ ०७:२०
प्रतिक्रिया
पठाउनुहोस्

भारतले जित्यो इंग्ल्यान्डविरुद्धको वान डे सिरिज

कान्तिपुर संवाददाता

काठमाडौँ — साम कुरानको उत्कृष्ट प्रदर्शनका बाबजुद भारतले इंग्ल्यान्डलाई तेस्रो खेलमा आइतबार ७ रनले हराएर वान डे सिरिज २–१ ले जितेको छ ।

तस्बिर : आईसीसी

जितका लागि ३ सय ३० रनको लक्ष्य पाएको इंग्ल्यान्ड ३१औं ओभरमा ७ विकेट गुमाएर २ सय रनको स्थितिमा थियो ।

कुरानले आक्रामक भएर ९५ रन बनाए र नटआउट रहे । उनले अदिल रसिदसँग ५७ र मार्क उडसँग ६० रनको साझेदारी गरे । तर पनि इंग्ल्यान्ड जितसम्म पुग्न सकेन र टिमले ९ विकेटको क्षतिमा ३ सय २२ रन मात्र बनाउन सक्यो ।

भारतका लागि दबाबमा टी नटराजनले उत्कृष्ट बलिङ गरे । यसअघि भारत ४८.२ ओभरमा ३ सय २९ रन बनाएर अलआउट भएको थियो । त्यसमा शिखर धवनले ६७, ऋषव पन्तले ७८ र हार्दिक पान्ड्याले ६४ रन बनाए ।

प्रकाशित : चैत्र १६, २०७७ ०७:०७
पूरा पढ्नुहोस्
प्रतिक्रिया
पठाउनुहोस्
×