तोलामा ८ सय रुपैयाँले बढ्यो सुनको मूल्य
काठमाडौँ — स्थानीय बजारमा आइतबार सुनको मूल्य तोलामा ८ सय रुपैयाँले बढेको छ । छापावाला सुन तोलामा आइतबार ८ सय रुपैयाँले वृद्धि भएको हो ।
नेपाल सुनचाँदी व्यवसायी महासंघका अनुसार शुक्रबार तोलामा ८८ हजार २ सय रुपैयाँमा कारोबार भएको छापावाला सुन आइतबार ८९ हजारमा कारोबार हुने गरी मूल्य निर्धारण भएको छ ।
तेजाबी सुन शुक्रबार तोलामा ८७ हजार ७५० मा कारोबार भएकामा आज ८८ हजार ५५० मा कारोबार हुने गरी मूल्य निर्धाण भएको छ ।
चाँदी तोलामा एक हजार ३३० रुपैयाँमा कारोबार हुने गरी मूल्य निर्धारण भएको छ । तोलामा एक हजार ३०५ रुपैयाँमा शुक्रबार कारोबार भएको चाँदी आइतबार तोलामा २५ रुपैयाँले वृद्धि भएको हो ।
प्रकाशित : फाल्गुन ९, २०७७ १२:४५प्रतिक्रिया