निगमको प्रवक्तामा श्रेष्ठ
काठमाडौँ — नेपाल वायुसेवा निगमको प्रवक्तामा महाप्रबन्धको कार्यालयकी कामु निर्देशक करिश्मा श्रेष्ठलाई जिम्मेवारी दिइएको छ ।
उनी निगमको नवौं तहकी कर्मचारी हुन् । निगमका लामो समयदेखि उनी कार्यकारी अध्यक्षको कार्यालयमा कार्यरत थिइन ।
निगमका महाप्रबन्धक डिमप्रसाद पौडेलले आइतबार कामु निर्देशक श्रेष्ठलाई प्रवक्ताको जिम्मेवारी दिएको निगमले जनाएको छ । त्यसैगरी सहप्रवक्तामा निगमका वरिष्ठ अधिकृत शुलेख मिश्रलाई तोकिएको छ ।
यसअघि निगमको प्रवक्तामा संस्थागत विभागकी निर्देशक अर्चना खड्का र सहप्रवक्तामा जीवनकुमार भट्टराई थिए ।
प्रकाशित : कार्तिक २, २०७७ १८:४३