कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १६१

दुई दर्जन आयोजना रुग्ण

कान्तिपुर संवाददाता

ओखलढुंगा — जिल्लाको रुम्जाटार र माम्खा जोड्ने पुल ठेक्का लागेको दुई वर्ष बित्यो । सम्पन्न गर्ने म्याद पनि सकियो । तर २० प्रतिशत मात्रै काम सकिएको छ । साँघुटार ओखलढुंगा सडक कालोपत्र तीन वर्ष बितिसक्दा पनि ३० प्रतिशत सकिएको छैन । यो आयोजनाको पनि सम्पन्न गर्ने म्याद सकिसकेको छ ।

यी दुई आयोजना उदाहरण मात्र हुन् । यस्ता रुग्ण प्रकृतिका आयोजनाहरू जिल्लामा दुई दर्जनभन्दा बढी छन् । त्यसमध्ये प्रायः सडक, पुल र भवन छन् । अधिकांश आयोजना निर्माण सम्पन्न नहुनुमा ठेकेदारले अनेक कारण देखाउने गरेका छन् । यस्ता आयोजनालाई कसरी गति दिने भन्ने विषयमा शनिबार सदरमुकाममा छलफल भएको छ । छलफलमा ठेकेदार, आयोजना प्रमुख र जनप्रतिनिधि सहभागी थिए । ठेकेदार कम्पनीका धेरैजसो प्रतिनिधि मात्र थिए । जिल्ला प्रशासन कार्यालयले आयोजना गरेको छलफलबाट रुग्ण आयोजनालाई गति दिई सम्पन्न गर्ने निर्णय गरिएको छ । तर यी निर्णय छलफलमै सीमित हुने सरोकारवालाको शंका छ ।

‘छलफलका लागि मात्र छलफल गरेर काम छैन,’ चिशंखुगढी गाउँपालिका अध्यक्ष निशान्त शर्माले भने, ‘जहिलेसम्म काम नगर्नेलाई कारबाही हुँदैन, त्यतिबेलासम्म यस्ता छलफलको औचित्य छैन ।’ छलफलमा ठेकेदारहरूले काम सम्पन्न नहुनुमा एस्टिमेटमा समस्या, जनप्रतिनिधिको अनुरोध, सर्वसाधारणको अवरोध, कार्यालयले समयमा भुक्तानी नदिनु जस्ता कारण रहेको बताए ।

प्रकाशित : कार्तिक २, २०७७ ०७:२७
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?