काठमाडौँ — सुजुकी कारको आधिकारिक बिक्रेता तथा सीजी होल्डिङ्सको अटोमोटिभ डिभिजन सीजी मोटोकर्पले सुजुकी मोटर कर्पोरेसन (एसएमसी) जापानले उत्पादन गरेका सुजुकी कार नेपाली बजारमा ल्याउने भएको छ ।
अहिले नेपालमा मारुती सुजुकी इन्डियाले निर्माण गरेका सुजुकी कार मात्र भित्रिरहेका छन् । एसएमसीका उत्पादन भित्रिएपछि ग्राहकले युरोप, उत्तर अमेरिकालगायत अन्तर्राष्ट्रिय बजारका लागि बनाइएका सुजुकी कारको आनन्द अनुभव गर्न पाउनेछन् ।