२८.१२°C काठमाडौं
मुगुमा खाद्यान्न ढुवानी सुरु
मुगु — आर्थिक वर्ष सुरु भएको तीन महिनापछि मुगुमा खाद्यान्न ढुवानी सुरु भएको छ । पहिलो लटमा यही साता नेपालगन्जदेखि स्थलमार्गबाट १ सय ७० क्विन्टल चामल गममढी पुगेको छ । थप चामल आउने क्रममा रहेको खाद्य व्यवस्था तथा व्यापार कम्पनीले जनाएको छ ।
सरकारी चामल नहुँदा स्थानीयले बजारमा ८० रुपैयाँ केजीसम्म चामल किन्ने गरेका थिए । अब ५० रुपैयाँमा चामल किन्न पाइने भएको कम्पनीका जिल्ला शाखा प्रमुख कर्णबहादुर रावलले बताए । गमगढी क्षेत्रको लागि चालु आर्थिक वर्षमा ११ हजार क्विन्टल चामलको कोटा रहेको छ । सोरुकोट, पुलु, श्रीकोट र कालै डिपोमा भने खाद्यान्न ढुवानी अझैसम्म हुन सकेको छैन । त्यहाँका डीपोहरु असारदेखि रित्तै छन् ।
प्रतिक्रिया
