जफत गरिएको प्याज खरिद गर्न थापाथलीमा भीड
काठमाडौँ — अघिल्लो साता कालिमाटी तथा बल्खु बजारबाट अनुगमनका क्रममा जफत गरिएका प्याज सरकारले खाद्य व्यवस्था तथा बजार कम्पनीबाट वितरण गरेको छ ।
अघिल्लो साता सरकारले व्यवसायीहरुले लुकाएको करिब १२ हजार किलो प्याज जफत गरेको थियो ।
जफत गरिएको प्याज खाद्यले शुक्रबारदेखि प्रति किलो ६० रुपैयाँका दरले बिक्री गरिरहेको छ ।
भारतबाट प्याज आयात रोकिएकोपछि बजारमा प्याजको भाउ बढेको छ ।
कलोबजारी बढेपछि बाहिर बजारमा प्याजको भाउ १४० सम्म पुगेको उपभोक्ताहरुले बताएका छन् ।
प्रकाशित : आश्विन १२, २०७७ १५:२२प्रतिक्रिया