डिजेल र मटितेलको मूल्य १ रुपैयाँ घट्यो- अर्थ / वाणिज्य - कान्तिपुर समाचार

डिजेल र मटितेलको मूल्य १ रुपैयाँ घट्यो

पेट्रोल, हवाई इन्धन र एलपी ग्यासको मूल्य यथावत
कान्तिपुर संवाददाता

काठमाडौँ — नेपाल आयल निगमले डिजेल र मटितेलको मूल्य प्रतिलिटर १ रुपैयाँ घटाएको छ । इन्डियन आयल कर्पोरेशनले १६ सेप्टेम्बर (भदौ ३१) मा पठाएको मूल्यअनुसार डिजेल र मटितेलको मूल्य घटाइएको हो । निगमका प्रवक्ता बिनितमणि उपाध्यायका अनुसार नयाँ मूल्य बुधबार राति १२ बजेदेखि लागू हुनेछ ।

‘राति १२ बजेदेखि डिजेल र मटितेलको साविक खुद्रा बिक्री मूल्यमा प्रतिलिटर १ रुपैयाँ घटाउने निर्णय गरेका छौं,’ निगमका प्रवक्ता उपाध्यायले भने, ‘नयाँ मूल्यअनसार डिजेल र मटितेलको प्रतिलिटर मूल्य ९०/९० रुपैयाँ कायम गरिएको छ ।’

निगमले पेट्रोल, हवाई इन्धन र खाना पकाउने एलपी ग्यासको मूल्य भने यथावत राखेको जनाएको छ ।



प्रकाशित : भाद्र ३१, २०७७ १९:४१
प्रतिक्रिया
पठाउनुहोस्

मेटलाइफले ल्यायो ‘नयाँ ग्राहक सेवा एप’

कान्तिपुर संवाददाता

काठमाडौँ — मेटलाइफले ‘नयाँ ग्राहक सेवा एप’ ल्याएको छ । बिमासम्बन्धी सेवाको पहुँच थप बढाउन र आफ्नो बिमा पोलिसी व्यवस्थापन गर्न कम्पनीले यो एप ल्याएको हो ।

एपले ग्राहकलाई घरमै बसी मोबाइलमार्फत मेटलाइफका विभिन्न सेवामा पहूँच बढाउनेछ । डिजिटल थिमअन्तर्गत सोमबार मेटलाइफ नेपालका उपाध्यक्ष तथा जनरल म्यानेजर निर्मलकाजी श्रेष्ठले मेटलाइफका कर्मचारी र फिल्ड फोर्सहरुको उपस्थितिमा भर्चुअल कार्यक्रममार्फत उक्त एपको उद्घाटन गरे । यो एप आईओएस एप स्टोर वा एन्ड्रोइड गुगल प्ले स्टोरबाट नि:शुल्क डाउनलोड गरी चलाउन सकिन्छ ।

प्रयोगकर्ताले एपमा लगइन गरेपछि आफ्नो बिमा पोलिसीको स्थिति, कुल प्रिमियम भुक्तान गरिएको र भुक्तानी गरिएको प्रीमियम किस्ताका साथै पोलिसीहरुको विस्तृत प्रिमियम भुक्तान विवरण जस्ता जानकारी हेर्न सक्छन् ।

प्रकाशित : भाद्र ३१, २०७७ १९:३४
पूरा पढ्नुहोस्
प्रतिक्रिया
पठाउनुहोस्
×