बीओकेका ग्राहकलाई शून्य प्रतिशत किस्ताबन्दी योजना- अर्थ / वाणिज्य - कान्तिपुर समाचार

बीओकेका ग्राहकलाई शून्य प्रतिशत किस्ताबन्दी योजना

कान्तिपुर संवाददाता

काठमाडौँ — बैंक अफ काठमान्डु (बीओके) ले घरायसी उपकरणको खरिदमा शून्य प्रतिशत किस्ताबन्दी योजना ल्याएको छ ।

बैंकले नजिकिँदै गरेका चाडपर्वलाई लक्ष्य गर्दै क्रेडिट कार्डवाहकका लागि यो योजना ल्याएको हो । बैंकका ग्राहकले सीजी, एलजी, गोदरेज, टीसीएल, इलिका, केन्ट र ब्ल्याक एन्ड डेकोर कम्पनीका घरायसी विद्युतीय उपकरण सरल किस्ताबन्दीमा किन्न सक्छन् । यो योजनाबाट बैंकको क्रेडिट कार्ड प्रयोग गरी किस्ताबन्दीमा घरायसी विद्युतीय उपकरण खरिद गर्दा कुनै ब्याज नलाग्ने बैंकले जनाएको छ ।

प्रकाशित : भाद्र ३१, २०७७ १०:५२
प्रतिक्रिया
पठाउनुहोस्

कांग्रेस महामन्त्री शशांक कोइराला अस्पताल भर्ना

स्वास्थ्य अवस्था सामान्य : अस्पताल
कान्तिपुर संवाददाता

काठमाडौँ — कोरोना संक्रमण पुष्टि भएपछि होम आइसोलसनमा बसेका कांग्रेस महामन्त्री डा. शशांक कोइराला अस्पताल भर्ना भएका छन् । निमोनियाको शंका लागेपछि मंगलबार साँझ ८ बजे चाबहिलस्थित ओम् अस्पताल भर्ना भएको कोइरालाका स्वकीय सचिव भरत तिवारीले जानकारी दिए ।

फाइल फोटो

कोइरालालाई माइल्ड खालको निमोनिया र ज्वरो देखिएको अस्पतालका प्रवक्ता विनोद अधिकारीले कान्तिपुरलाई बताए । ‘उहाँमा हल्का ज्वरो र रुघाखोकी देखिएको छ । स्वास्थ्य अवस्था सामान्य छ । उहाँलाई प्यारासिटामोल दिएर आईसीयूभित्रको आइसोलेसनमा चिकित्सकीय निगरानीमा राखिएको छ,’ प्रवक्ता अधिकारीले भने ।

कांग्रेस महामन्त्री कोइरालालाई गत भदौ २३ गते कोरोना भाइरसको संक्रमण पुष्टि भएको थियो । धुम्बाराहीस्थित ह्याम्स अस्पतालमा पीसीआर परीक्षण गराउँदा उनमा कोरोना पुष्टि भएको थियो ।

प्रकाशित : भाद्र ३१, २०७७ १०:४९
पूरा पढ्नुहोस्
प्रतिक्रिया
पठाउनुहोस्
×