बजारमा हुन्डाई औरा

सेडान सेगमेन्टमा शक्तिशाली एवं सुविधायुक्त ट्रेन्डसेटरका रूपमा यो सवारी स्थापित हुने कम्पनीको विश्वास छ ।

नयाँ हुन्डाई औरा आकर्षक सेडानका लागि विकसित गरिएको कम्पनीले जनाएको छ । यसको उत्कृष्ट ड्राइभिङ पर्फमेन्स एवं गतिशीलताले ड्राइभरलाई आनन्द प्रदान गर्नेछ । स्टाइल, वास्तुकला र टेक्नोलोजीको उत्तम मिश्रण यो गाडी रहेको कम्पनीले बताएको छ ।

यसमा फ्रन्ट डुअल एयरब्याग्स, एन्टिलक ब्रेकिङ सिस्टम विथ इलेक्ट्रोनिक ब्रेकफोर्स डिस्ट्रिब्युसन, रियल पार्किङ सेन्सर एन्ड इमर्जेन्सी स्टप सिग्नललगायत सुरक्षा सुविधा पनि रहेको कम्पनीले जानकारी दिएको छ ।

रातो, खैरो, सिल्भर र सेतो रङमा उपलब्ध यो गाडीको सुरुवाती मूल्य ३३ लाख ९६ हजार रुपैयाँ रहेको कम्पनीले बताएको छ ।