कर्मचारीमा कोरोना देखिएपछि भन्सारमा समस्या

भारतबाट भने दैनिक डेढ सयभन्दा बढी मालवाहक ट्रक आउने गरेका छन् । तिनै ट्रकमा ल्याइएका सामग्रीको भन्सार जाँचका क्रममा कर्मचारीलाई कोरोना संक्रमण भएको हुन सक्ने अधिकारीहरूको अनुमान छ ।

कोरोना संक्रमण पुष्टि भएका सातै जना नायब सुब्बा तहका कर्मचारी रहेको अधिकृत गोपी उप्रेतीले बताए । अन्य कर्मचारी पनि कार्यालय आउन डराएपछि आयातित सामानको भन्सार जाँच प्रभावित बनेको एक भन्सार एजेन्टको भनाइ छ । भन्सारमा सामान छुटाउन जानु भनेको जानीजानी कोरोना भाइरस सार्न जानु जस्तै भएको भन्सार एजेन्ट संघका अध्यक्ष विजेन्द्र परासरले बताए । जोगबनीबाट पछिल्लो समय व्यापारिक सामान नआए पनि खाद्यान्न, हाइड्रोपावरका सामान, केही औद्योगिक कच्चापदार्थ र पेट्रोलियम पदार्थ आयात भइरहेको छ ।