अनलाइन कक्षालाई एनसेलको नयाँ योजना

कान्तिपुर संवाददाता

काठमाडौँ — यो योजनामा विद्यार्थी तथा शिक्षक/शिक्षिकाले भ्वाइस, डेटा र एसएमएसको बन्डल सेवा पाउँछन्

एनसेलले राष्ट्रिय निजी तथा आवासीय विद्यालय एसोसिएसन नेपाल (एनप्याब्सन) र निजी तथा आवासीय विद्यालय संघ (प्याब्सन) सँगको सहकार्यमा अनलाइन कक्षा तथा सिकाइका लागि मासिक योजना ल्याएको छ ।

अनलाइन कक्षाका लागि एनसेलको मोबाइल कनेक्टिभिटी प्रयोग गर्ने एनप्याब्सन र प्याब्सनको समझदारीका आधारमा यो योजना ल्याइएको एनसेलले जनाएको छ ।  ।

विद्यार्थीले करबाहेक मासिक २ सय ५० रुपैयाँमा अनलाइन कक्षाका लागि आवश्यक जुम, गुगल मिट र माइक्रोसफ्ट टिम्स प्रयोगका लागि २० जीबी डेटा, १ जीबी थ्रीजी/फोरजी डेटा, २ जीबी फोरजी डेटा, सीयूजी नम्बरमा कल गर्न हरेक दिन १२० मिनेट टकटाइम, ५० मिनेट अन नेट टकटाइम र ५० अन नेट एसएमएस सेवा प्राप्त गर्नेछन् ।

प्रकाशित : श्रावण १७, २०७७ १९:१६
प्रतिक्रिया
पठाउनुहोस्

साओमीको ‘रेडमी नोट ९’ सिरिज

कान्तिपुर संवाददाता

काठमाडौँ — ग्लोबल टेक्नोलोजी लिडर साओमीले शुक्रबार नेपाली बजारमा नयाँ दुई स्मार्टफोन ‘रेडमी ९’ र रेडमी ९ए’ सार्वजनिक गरेको छ ।

साओमीको रेडमी ९ मा भर्सटाइल क्यामेरा क्षमता, ५०२० एमएएच क्षमताको ब्याट्री, ६.५३ इन्च एफएडी प्लस डट ड्रप डिस्प्ले र १८ वाटको फास्ट चार्जिङ टेक्नोलोजी सपोर्ट गर्ने जस्ता विशेषता छन् । यसमा मिडियाटेक हेलियो जी ८० एसओसी छ । रेडमी ९एमा ६.५३ इन्च ठूलो डिस्प्ले, ५००० एमएएच ब्याट्री, मिडियाटेक हेलियो जी २५, अक्टाकोर गेमिङ चिपसेट र एआई अप्टिमाइज्ड १३ एमपी रियर क्यामेरालगायत विशेषता छन् ।

‘रेडमी ९’ को मूल्य ३ जीबीका साथ ३२ जीबी भेरियन्टको १६ हजार ९ सय ९९ रुपैयाँ र ४ जीबीका साथ ६४ जीबी भेरियन्टको १७ हजार ९ सय ९९ रुपैयाँ छ । ‘रेडमी ९ ए’ २ जीबीका साथ ३२ जीबी भेरियन्टको ११ हजार ४ सय ९९ रुपैयाँ रहेको कम्पनीले बताएको छ ।

प्रकाशित : श्रावण १७, २०७७ १९:१३
पूरा पढ्नुहोस्
प्रतिक्रिया
पठाउनुहोस्
×