काठमाडौँ — शिवम् सिमेन्टले पहिलो पटक ‘शिवम् मोबाइल एप’ सार्वजनिक गरेको छ । कम्पनीले मोबाइलबाटै सिमेन्ट खरिद गर्न उक्त एप सञ्चालनमा ल्याएको जनाएको छ ।
अब ग्राहकले गुगल प्ले स्टोर वा आईओएस एप स्टोरबाट कम्पनीको मोबाइल एप डाउनलोड गर्न सक्छन् । डाउनलोडपछि ग्राहकले आफूलाई चाहिएको परिमाणमा सिमेन्ट खरिद गर्न सक्छन् । यसको भुक्तानीका लागि खल्ती, ई–सेवा र कनेक्ट आईपीएस वा क्यास अन डेलिभरीको सुविधा लिन सकिनेछ ।