एफवान सफ्टमा पछाई

कान्तिपुर संवाददाता

काठमाडौँ — एफवान सफ्ट गु्रपको प्रमुख सञ्चालन अधिकृतमा शिशिर पछाई नियुक्त भएका छन् ।

पछाईलाई बुधबार एफवान सफ्ट गु्रपका अध्यक्ष विश्वास ढकालले औपचारिक रूपमा स्वागत गरे । पछाईले एफवान सफ्ट गु्रपका कम्पनीहरूको अपरेसनको कार्यभार सम्हाल्नेछन् । सफट्वेयरको क्षेत्रमा बेग्लै नाम बनाएको एफवान नेपालका ठूला आईटी कम्पनीमध्येको एक हो । सन् २००४ बाट सञ्चालनमा आएको एफवानले वित्तीय क्षेत्रका सफ्टवेयर निर्माण तथा उत्पादन गर्दै नेपाललगायत विदेशी मुलुकमा बिक्रीवितरण गर्दै आएको छ ।

प्रकाशित : असार १८, २०७७ १७:५६
प्रतिक्रिया
पठाउनुहोस्

सामसङले घटायो स्मार्टफोनको मूल्य

कान्तिपुर संवाददाता

काठमाडौँ — सामसङले आफ्ना चार स्मार्टफोनका मोडलको मूल्य घटाएको छ । कम्पनीले सामसङ ग्यालेक्सी ‘नोट १० लाइट’, ‘ए ७१’, ‘ए ५१’ र ‘ट्याब ए १०.१’ को मूल्य कम गराएको हो ।

नयाँ मूल्यपछि सामसङ ग्यालेक्सी ‘नोट १० लाइट’ ५८ हजार ९ सय ९९, ‘ए ७१’ ४९ हजार ९ सय ९९, ‘ए ५१’ ३९ हजार ९ सय ९९ र ‘ट्याब ए १०.१’ ३२ हजार २ सय ९९ रुपैयाँ कायम गरिएको कम्पनीले जनाएको छ ।

प्रकाशित : असार १८, २०७७ १७:५४
पूरा पढ्नुहोस्
प्रतिक्रिया
पठाउनुहोस्
×