विश्व बैंकको १० करोड डलर ऋण स्वीकृत

नेपालको ऊर्जा क्षेत्रको आर्थिक सम्भावना उजागर गर्न संस्थागत, नियमनकारी र प्रमुख नीतिगत सुधार गर्न ऋण उपलब्ध गराइएको विश्व बैंकले बताएको छ । नेपाल विद्युत् प्राधिकरणको वित्तीय अवस्था सुधार्न, स्वतन्त्र र उत्तरदायी खालको नियामक प्रारूप तयार पार्न, नेपालको जलस्रोतको अधिकतम उपयोगका लागि क्षेत्रीय बजारसँग जोडिन तथा संघीय संरचनाअनुसार विद्युत् प्राधिकरणलाई सशक्त पार्न यो रकम परिचालन हुनेछ ।

‘संकट र संकटपछि पनि नेपालको ऊर्जा क्षेत्रको सुधारका लागि निरन्तरता दिनु जरुरी छ,’ विश्व बैंकका नेपाल निर्देशक फारिस हदाद जार्भोसलाई उद्धृत गर्दै जारी विज्ञप्तिमा भनिएको छ, ‘यो रकमले विश्वसनीय, पहुँचयोग्य र दिगो खालको ऊर्जा क्षेत्र बनाउने सरकारको प्रतिबद्धतालाई सघाउँछ ।’