लकडाउनमा फसेका पर्यटक तथा नेपालीलाई ओयोको निःशुल्क बास

लकडाउनका कारण घर फर्कन नपाएका पर्यटक तथा नेपालीलाई यस्तो व्यवस्था गरिएको ओयोले जानकारी दिएको छ ।

सरकारले कोभिड–१९ को महामारी फैलिन नदिन चैत २५ गतेसम्म लकडाउन गरेको छ । यस अवधिमा ओयोले चैत १९ देखि देशभर लकडाउनमा फसेका पर्यटक तथा नेपालीलाई निःशुल्क आवास उपलब्ध गराउनेछ । होटल सञ्चालक र कर्मचारीको सुरक्षाका लागि पर्यटकलाई चेक इन गर्नुअगावै कोरोना भाइरसका लक्षण जाँचेर कोरोना नलागेको पुष्टि गरिने कम्पनीले जनाएको छ ।

ओयोका सबै होटल सञ्चालकलाई संक्रमण फैलिनबाट रोक्न स्वास्थ्य र सुरक्षित उपाय अपनाउन निर्देशन दिएको ओयो होटेल नेपालका लागि कन्ट्री हेड विक्की योल्मोले जानकारी दिए ।