गरिमामा क्षतिपूर्ति माग्दै किसान

‘धान फलेन,’ स्थानीय किसान रमेशपुकार बस्तीले भने, ‘चामल नकिनी दैनिकी टार्न गाह्रो भयो । क्षतिपूर्ति पाइन्छ भन्थे । तर अझै पाइएको छैन ।’ उनले साढे ३ रोपनी खेतमा गरिमा हाइब्रिड धान लगाएका थिए । उनका छिमेकी विष्णुबहादुर पुडासैनीको पनि अवस्था पनि उस्तै छ । उनले पनि गरिमा जातको धानको बीउ लगाएका थिए । ‘धान नफलेपछि हरियो परालमै काटियो,’ उनले भने, ‘बीउ खराब परेपछि के गर्ने ?’ चितवनबाट उक्त धानको बीउ ल्याइएको किसान बताउँछन् ।