इन्धनको मूल्य २ रुपैयाँ बढ्यो

कान्तिपुर संवाददाता

काठमाडौँ — नेपाल आयल निगमले इन्धनको खुद्रा मूल्य प्रतिलिटर २ रुपैयाँ बढाएको छ । भारतिय आयल कर्पोरेसन(आइओसी)ले पठाएको नयाँ मूल्य सूचि अनुसार इन्धनको मुल्य बढेको जनाउँदै निगमले यहाँपनि मूल्य बढाएको हो ।

ZenTravel


‘नयाँ खरिद मूल्यमा केही बढेकाले सोमबार राती १२ बजेदेखि नै लागु हुनेगरी पेट्रोल, डिजेल र मट्टितेलको साविक बिक्री मूल्यमा प्रतिलिटर २ रुपैयाँ बढाएका छौं,’ निगमका प्रवक्ता विरेन्द्र गोइतले भने। नयाँ मूल्य सूचि अनुसार उपत्यकामा पेट्रोलको खुद्रा बिक्री मूल्य १ सय ९ रुपैयाँ, डिजेल र मटितेलको ९७ रुपैयाँ तोकिएको छ। निगमका अनुसार आइओसीले खाना पकाउने एलपी ग्याँस र हवाइ इन्धनमा पनि मूल्य बढेको सूचि पठाएको छ। तर, एलपी ग्याँस र हवाई इन्धनको हकमा मूल्य यथावत राखेको प्रवत्ता गोइतले बताए।

Meroghar


सरकारले २०७१ असोजमा स्वचालित मुल्य लागु गरेको थियो। स्वचालित मूल्य अनुसार आईओसीले १ र १५ तारिखमा नयाँ मूल्य पठाउँछ। तर, स्वचालित मूल्य पूर्ण रुपमा कार्यान्वयन हुन सकेको छैन।

प्रकाशित : मंसिर १६, २०७६ २०:०५
प्रतिक्रिया
पठाउनुहोस्

बुद्धको कोलकत्ता उडान बन्द 

सुरज कुँवर

काठमाडौँ — निजी क्षेत्रको ठूलो वायुसेवा कम्पनी मानिने बुद्ध एयरले नाफा नभएपपछि काठमाडौंबाट दक्षिण एसियाली महानगर जोड्ने अभियान अन्तर्गत थालेको काठमाडौं–कोलकत्ता–काठमाडौं उडान बन्द गरेको छ । 

६ महिनाअघि सातामा तीनदिनबाट थालिएको बुद्धको काठमाडौं–कोलकत्ता–काठमाडौं उडान सोमबार अन्तिम थियो। ‘यात्रु जेनरेट भएन,’ बुद्धका प्रवन्ध निर्देशक वीरेन्द्र बहादुर बस्नेतले भने, ‘जेट विमानबाट अन्तर्राष्ट्रिय उडान जानकालागि हामीले हामीले कोलकत्ताकालागि गरेको उडान परिक्षण उडान थियो। यो उडाननै घाटामा गएकाले बुद्धले कोलकत्ता उडान बन्द गरेको छ।’ उनले यसै उडानको अनुभवकै आधारमा आगमी दिनमा पोखराबाट जेट विमानमार्फत भारत लगायत एसियाली महानगरमा उडान गर्ने योजना पनि स्थगन भएको बताए।

बुद्धले ६ महिना काठमाडौं–कोलकत्ता–काठमाडौं उडान गर्दा १० करोड घाटा व्यहोरेको जनाएको छ। ‘साढे ७ करोड हाराहारी अपरेशन घाटा र साढे २ करोड हाराहारी मार्केटिङ खर्च गरी १० करोड हाराहारी घाटा व्यहोर्‍यौं,’ प्रवन्ध निर्देशक बस्नेतले भने। सुरुमा सातामा तीन दिन मात्रै उडान थालेको यस एयरलायन्सले पछिल्लो एक महिना सातामा दुइ ओटा मात्रै उडान गरेको थियो। यो रुटमा एकतर्फी भाडा १० हजार रुपैयाँ थियो। यो रुटमा बुद्धले ७२ सिट क्षमताको एटीआर विमान उडाउथ्यो। ‘एउटा उडानमा कम्तीमा ५ हजार डलर (५ लाख ७३ हजार रुपैयाँ) देखि १० हजार डलर (११ लाख ४७ हजार रुपैयाँ) सम्म घाटा व्यहोर्‍यौं,’ प्रवन्ध निर्देशक बस्नेतले भने। जेठबाट उडान थालेको बुद्धले पहिलो एक/दुई महिनामै नाफा नहुने थाहापाइसेको तर, भारतको नागरिक उड्डयन कार्यालयको निर्देशन अनुसार कम्तीमा ६ महिना एउटा रुटमा जहाज उडाउनै पर्ने भएकाले मंसिरसम्म घाटा व्यहोर्दे उडान गरेको जनाएको छ।

यद्यपि बुद्धले काठमाडौंबाट भारतको बनारस उडान भने जारी नै राख्ने जनाएको छ। कोलकत्तामा बुद्ध अघि नाफा नहुँदा निजी क्षेत्रको निकोन र कस्मिक एयरले पनि उडान बन्द गर्नुपरेको थियो। त्यसअघि नेपाल वायुसेवा निगमले पनि काठमाडौंबाट कोलकत्ता उडान गर्थ्यो। निगमले भने ठूलो जेट विमानबाट कोलकत्ता उडान गरेको थियो। अध्ययन गर्न जाने विद्यार्थी, उपचार र व्यापारकालागि चलेको यो रुटमा उडान घाटामा गएपछि बन्द गर्ने नेपालमा दर्ता भएका वायुसेवाको संख्या चार पुगेको छ। त्यसैगरी यसअघि भारतकै स्पाइस जेटले पनि यो रुटमा नाफा नभएकै कारण उडान रोकेको थियो।

हाल भारतको सरकारी ध्वजावहाक एयर इन्डियाले भने यो रुटमा सातामा चार वटा उडान एयरबस ३१९ मार्फत गर्दै आएको छ। जेट विमानमा सवार गर्दा यो रुटमा एकतर्फी उडान समय १ घन्टा हाराहारीको हो भने बुद्धको एटीआर विमानका लागि थप २० मिनेट आवश्यक पर्थ्यो।

प्रकाशित : मंसिर १६, २०७६ १९:५३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×