सम्पत्ति शुद्धीकरण ऐन सहज हुँदै जान्छ : अर्थमन्त्री 

‘आन्तरिक करलाई करको प्रमुख आधार बनाउने गरी जुन बेला हामीले भ्याट लागू गर्‍यौं, त्यसबेलादेखि क्रमशः आयातमा आधारित राजश्व प्रणालीलाई आन्तरिक उत्पादन, उपभोगमा आधारमा विकास गर्दैछौं,’ उनले भने, ‘कतिपय करका कानून, नियमन, विधिहरु संशोधन तथा परिमार्जजन गर्दा केही अप्ठ्यारो परे जस्तो हुन्छ । यो भनेको अध्याँरोबाट घाममा जाँदा आँखा तिरमिराउनु जस्तै हो, सुरुमा असहज भए पनि विस्तारै सहज हुनेछ । अहिले व्यवसायिक जगतमा देखिएको समस्या यही हो ।’

मुलुकको तीन चौथाइ राजश्व आन्तरिक राजश्वबाट उठ्ने गरेकाले पनि यो देशको आधार भएको मन्त्री खतिवडाले बताए ।

राज्यलाई सरल, सुदृढ, आत्मनिर्भर अर्थतन्त्र बनाउने बाटोमा लैजान क्षमता अनुसार कर निर्धारण गरिने मन्त्री खतिवडाको भनाइ छ ।

उनले नेपाललाई ऋणमुक्त मुलुक बनाउने चाहना रहेको उल्लेख गरे ।

करको दर र दायराका विषयमा नीजि क्षेत्रले राखेको भनाइमा मन्त्री खतिवडाले भने, ‘सहज व्यवसायीक प्रणालीको कुरा गरेका छौं । कानूनको कुरा आएको छ हामीले जवाफदेही बनाउने कानून निर्माण गरेका छौं । दण्ड दिने कानून होइन । वित्तीय उत्तरदायित्व कानून बनेको छ, त्यसअन्तर्गत हामीले तिरेको करको जिम्मेवारी हुनुपर्छ ।’

कार्यक्रममा १५ करदातालाई सम्मान गरिएको थियो । विभिन्न १५ विधामा धेरै र समयमा नै कर तिर्नेलाई सम्मान गरिएको हो ।