‘दलीय आधारमा चुनाव भए अलग्गिनेछु’

‘एनआरएनए विशुद्ध गैरराजनीतिक संगठन हो । यसको चुनावलाई राजनीतिकरण गर्न खोजियो, राजनीतिक आधारमा प्यानल बनाइयो भने त्यो दुर्भाग्यपूर्ण हुनेछ,’ महतोले कान्तिपुरसित भने, ‘एनआरएनएमा पार्टीको झन्डा बोकेर चुनाव लडियो भने म तत्काल यो प्रक्रियाबाट अलग हुनेछु ।’ आफू त्यस्तो दुर्घटना नहोस् भनेर सहमति खोज्न प्रयत्नरत रहेको पनि उनले जानकारी दिए । ‘हामीले एनआरएन अभियानलाई राजनीतिक दलको भ्रातृ संस्थाका रूपमा अगाडि बढायौं भने त्यो यो संस्थाको उद्देश्यविपरीत हुन जानेछ । त्यसमा मेरो गम्भीर असन्तुष्टि र असहमति छ ।’