लाङटाङ र गोसाइँकुण्डमा पर्यटक बढ्दै

बलराम घिमिरे

(रसुवा) — वर्षा सकिएर मौसम सफा भएसँगै लाङटाङ र गोसाइँकुण्ड क्षेत्र घुम्नका लागि पर्यटकहरू आउन थालेका छन् । 

घुम्नका लागि पर्यटक आउने यो मुख्य सिजन हो । त्यसैले लाङटाङ र गोसाइँकुण्डका पदमार्गमा विदेशी पर्यटकहरूको चहपहल देखिन थालेको छ । लाङटाङ राष्ट्रिय निकुञ्जकको ब्राबल चेक प्वाइन्टबाट नेपाली र विदेशी गरी दैनिक दुई सयको हाराहारीमा पर्यटकहरू प्रवेश गर्ने गरेको लाङटाङ राष्ट्रिय निकुञ्जका सूचना अधिकारी शिवलाल गैरेले बताए । ती पर्यटकहरू पदयात्राको लागि लाङटाङ, गोसाइँकुण्ड र तामाङ सम्पदामार्ग जाने गर्दछन् ।

छोटो पदमार्ग भएकाले लाङटाङमा पर्यटकको घुइँचो लाग्दछ । लाङटाङ पदमार्गमा जाने पर्यटकले थोरै दिनमा एकै पटक धेरै कुरा हेर्न र घुम्न सक्ने लाङटाङका पर्यटन व्यवसायी तेम्बा लामा बताउँछन् । पर्यटकहरूले गणेश तथा लाङटाङ हिमालको मनोरम दृश्य, निकुञ्ज क्षेत्रभित्रका जैविक विविधता, तामाङ कला र संस्कृति, लगायतका विभिन्न क्षेत्रहरूको अवलोकन गर्न पाउँछन् । अंग्रेजी क्यालेन्डरअनुसार अक्टोबर र नोभेम्बर महिना पर्यटक आउने मुख्य सिजन रहेको होटल व्यवसायी ढिण्डुप तामाङले बताए । लाङटाङ घुम्नको लागि अहिले आन्तरिक पर्यटक धेरै आएका छन् उनले भने । स्याफ्रुबेंसीदेखि क्याङजिनसम्म बाटैभरि पर्यटकको लर्को देख्न सकिन्छ । राजधानी काठमाडौंबाट यात्रा गरेको ५ दिनमा क्याङजिन पुगेर फर्किन सकिन्छ ।

क्याङजिन पुगेपछि रसुवाकै पुरानो क्याङजिन गुम्बा, लाङटाङ ग्लासियर र आँखै अगाडि चारैतिर एक दर्जनभन्दा बढी हिमाल देख्न सकिन्छ । क्याङजिनमा बास बसेर भोलिपल्ट क्याङजिन री, चेरर्कोरीलगायतका धेरैवटा पिक चढ्न पनि सकिन्छ । ५ हजार मिटर अग्लो चेरर्कोरीबाट एक दर्जन हिमाल देखिने भएकाले क्यान्जिन पुगेका ८५ प्रतिशत पर्यटक त्यहाँ जाने गरेका छन् । भूकम्पपछि सुन्दर पर्यटकीय क्षेत्र लाङटाङका घरहरू पुनर्निर्माणसँगै पुरानै अवस्थामा पुगेको छ । लाङटाङ पदमार्गमा पर्यटक बस्नका लागि सुरक्षित होटल र घर बनिसकेका छन् ।

गोसाइँकुण्ड प्रसिद्ध धार्मिक तीर्थस्थल तथा पर्यटकीय गन्तव्यको रूपमा विकास भइरहेको छ । धार्मिक पर्यटनका हिसाबले गोसाइँकुण्ड स्वदेश तथा विदेशमा समेत प्रख्यात छ । अहिले यो पदमार्गमा विदेशी र नेपाली पर्यटहरूको चहपहल सुरु भएको छ । यस पदमार्गमा नेपाली तथा विदेशी पर्यटहरूको बाक्लो उपस्थिति रहेको छ । गोसाइँकुण्ड आन्तरिक पर्यटकको रोजाइमा पर्न थालेको दुई वर्ष जति भयो चन्दनबारीका होटल व्यवसायी सुब्बा लामाले बताए ।

प्रकाशित : आश्विन २८, २०७६ ०९:३१
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

चीनसँगका सम्झौता कार्यान्वयनको खाँचो : परिसंघ

कान्तिपुर संवाददाता

काठमाडौँ — नेपाल उद्योग परिसंघको प्रतिनिधि मण्डलले प्रधानमन्त्री केपी शर्मा ओलीलाई भेटेर आर्थिक तथा औद्योगिक क्षेत्रका समस्या समाधानका लागि ध्यानाकर्षण गराएको छ । 

आइतबार साँझ परिसंघका अध्यक्ष सतीशकुमार मोरको नेतृत्व मण्डलले प्रधानमन्त्री निवास बालुवाटारको भेटमा आर्थिक तथा औद्योगिक व्यावसायिक क्षेत्रका समस्याबारे आफू गम्भीर रहेको भन्दै समाधान गर्दै जाने विश्वास दिलाए ।

चीनका राष्ट्रपति सी चिनफिङको भ्रमणको प्रसंग उल्लेख गर्दै प्रधानमन्त्रीले आर्थिक तथा पूर्वाधार विकासमा नयाँ अवसर प्राप्त भएकाले त्यसको उपयोग गर्न निजी क्षेत्र तत्पर रहनुपर्ने उल्लेख गरे । परिसंघका अध्यक्ष मोरले चीनका राष्ट्रपति सीको भ्रमण सफल भएकामा बधाई दिएका थिए । भ्रमणका क्रममा भएको सम्झौता तथा समझदारीले हिमाल सीमा पार सम्पर्क विस्तारमा थप महत्त्व दिएको साथै यसबाट निजी क्षेत्र उत्साही भएकाले त्यसको कार्यान्वयनका लागि तीव्र सक्रियताको खाँचो रहेको बताएका थिए ।

‘कनेन्टिभिटीका ठूला पूर्वाधार तथा व्यापार विस्तारका लागि बनाउने भनिएका संयन्त्रको स्थापनामा हुँदा आर्थिक विकासलाई ठूलो मद्दत पुग्ने भएकाले राष्ट्रपति सीको भ्रमणबाट निजी क्षेत्र उत्साहित भएको छ,’ उनले प्रधानमन्त्रीसँगको भेटमा भने, ‘एकै पटक आएका नयाँ कानुन र नियमनकारी व्यवस्थाले उद्योगी व्यवसायीहरू दबाबमा परेका छन् ।

यसले नयाँ लगानीको वातावरणमा संकुचन सिर्जना भएकाले उद्योगी व्यवसायीलाई पक्राउ गर्ने जस्ता घटनाले व्यावसायिक क्षेत्र हतोत्साहित हुन सक्ने अवस्थामा छन् ।’
कार्यान्वयन तहमा देखिएका समस्या समाधानका लागि अर्थ मन्त्रालय, उद्योग वाणिज्य तथा आपूर्ति मन्त्रालय र राष्ट्र बैंकलगायत सम्बन्धित निकायको सहभागितामा प्रधानमन्त्रीकै मातहतमा उच्चस्तरीय समिति गठन गर्न उनले भेटमा अनुरोध गरेका थिए ।

सो अवसरमा परिसंघका निवर्तमान अध्यक्ष हरिभक्त शर्माले सरकारका विभिन्न निकायमा छिटो–छिटो सरुवा तथा विभागीय फेरबदल हुँदा त्यसको प्रतिकूल असर उद्योग व्यवसायमा पर्ने बताए । ‘वित्तीय क्षेत्रमा तरलता अभाव कम गर्न तथा पुँजी बजारमा लगानीकर्ताको मनोबल बढाउन प्रधानमन्त्रीले थप पहल लिनुपर्ने अवस्था आएको छ,’ उनले थपे ।

प्रकाशित : आश्विन २८, २०७६ ०९:३०
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
×