‘मेड इन नेपाल एक्स्पो’ सुरु 

एक्स्पोको उद्घाटन उद्योग मन्त्री मात्रिका प्रसाद यादवले गरेका थिए । मेला एकआपसमा अनुभव साटासाट र एकअर्कालाई उत्साहित गर्ने अवसर रहेको मन्त्री यादवले बताए ।

‘नेपाली युवा उद्यमीहरूले गरेको यो प्रयास राम्रो हो, उद्यमीमा नयाँपन पाए,’ उनले उद्घाटन समारोहमा मन्तव्य राख्दै भने, ‘यसले नेपालमा पनि उत्पादन भईरहेको छ, उद्योग स्थापना भईरहेका छन् भन्ने प्रस्ट हुन्छ ।’

नेपाली युवा उद्यमीले आफैं केही गरीरहेको समयमा सरकार प्रोत्साहनको रुपमा आएको उनको भनाई छ । ‘सरकारले भनेको सहजीकरणको काम मात्र गर्ने हो । यसमा उद्यमी आफैं अगाडी बड्नुपर्छ,’ उनले थपे ।

मेला आयोजकका अध्यक्ष निकोलस पाण्डेले मेलामा ठूला निर्माण उद्योगदेखि लिएर साना उद्योगलाई समावेश गरेको बताए । साना उद्योगको उत्पादनलाई प्रवर्द्धन गर्न मेलाले सहयोग गरेको उनको भनाई छ ।

गायक सविन राई र कालिप्रसाद बास्कोटाको सांगितिक प्रस्तुति, नेवारी बाजागाजाको प्रस्तुति, फुड स्टल र बालबालिकालाई रमाइलोको लागि विभिन्न खेलहरू लगायतका मेलामा ७० वटा स्टल रहेका छन् ।