पर्यटनमन्त्रीले अवलोकन गरे नियमित उडान नहुने आफ्नै जिल्लाको विमानस्थल

आनन्द गौतम

ताप्लेजुङ — संस्कृति पर्यटन तथा नागरिक उड्डयन मन्त्री योगेश भट्टराइले गृहजिल्लाको एकमात्र सुकेटार विमानस्थल अवलोकन गरेका छन । मन्त्री भएपछि पहिलो पटक गृह जिल्ला आएका भट्टराइले बिहीबार बिहान विमानस्थल अवलोकन गरेका हुन् ।

उनले नागरिक उड्डयन प्राधिकरणका एयर ट्राफिक कन्ट्रोलर रुपेश मुरारकाबाट विमानस्थलमा हुने कामको बारेमा जानकारी लिएका थिए । सुकेटार विमानस्थलका लागि १६ करोड रुपैयाँ छुट्याइएको छ । यस्को ठेक्का लागिसकेको छ । यो रकमबाट दुई सय मिटर धावन मार्ग कालोपत्रे गरिने छ ।

अहिले विमानस्थलको धावनमार्ग ७ सय मिटर कालोपत्रे छ । थप दुई सय मिटर कालोपत्रे हुन बाँकी रहेको छ । कालोपत्रे पछि पूर्वतिरको ढिस्को फुटाउने र माटो फाल्ने गरिनेछ । यति भएपछि विमानस्थलको दुवैतिरबाट जहाज अवतरण हुने अपेक्षा गरिएको मन्त्री भट्टराईले बताए । मुरारकाले भने ९ सय मिटर कालोपत्रे भएपछि र ढिस्को फुटाएपछि दुवैतिरबाट लेन्डिङ र टेकअप हुने बताए । निर्माण अवधिमा उडान भने नरोकिने प्राधिकरणले जनाएको छ ।

अहिले नेपाल वायु सेवा निगमले सातामा सोमबार, बुधबार र शनिबार गरी काठमाडौं–ताप्लेजुङ तीन उडान राखेको छ । तर असार ४ गतेपछि उडान हुन सकेको छैन । निजी कम्पनीले भने चार्टर उडान मात्रै गर्दै आएका छन् ।

दुई महिनापछि सुरु भएर दुई वर्षमा पुरा हुने विमानस्थलको प्रवेश मार्ग बनाउने र यात्रुहरुको सहजताका लागि भवन व्यवस्थापनका लागि पनि बजेट छुट्याइएको छ । आफ्नै जिल्लामा विमानस्थल भएर पनि जहाज चढ्न झापाको भद्रपुर धाउन बाध्य भट्टराईले विमानस्थललाई व्यवस्थित गर्नेतर्फ ध्यान दिने बताएका छन् । यो २०२८ सालमा निर्माण गरिएको विमानस्थल हो ।

प्रकाशित : भाद्र ५, २०७६ १५:१५
प्रतिक्रिया
पठाउनुहोस्

उपचारका लागि प्रधानमन्त्री ओली पुन: गए सिंगापुर

तस्बिर : अंगद ढकाल

काठमाडौँ — प्रधानमन्त्री केपी शर्मा ओली सिंगापुरबाट फर्केको डेढ सातापछि पुन: बिहीबार उपचारका लागि सिंगापुर गएका छन् । उनले आफ्नो स्वास्थ्यमा धेरै समस्या नरहेको बताएपनि एक महिनामा दोस्रोपटक उनी उपचारकै लागि सिंगापुर गएका हुन् । उनी भाद्र २० गते फर्किने बताइएको छ ।

१२ वर्षअघि मिर्गौला प्रत्यारोपण गराएका ओली गत साउन १८ मा सिंगापुर गएर २७ गते फर्केका थिए। त्यहाँ रहँदा उनले प्रयोग गरिरहेको औषधिको मात्राहरु परिवर्तन गरिएको र त्यसमा थप फलोअप गर्नका लागि सिंगापुर गएको जानकारी दिइएको छ।

प्रधानमन्त्री ओलीले मंगलबार सर्वदलीय बैठकमा अन्य दलका शीर्ष नेताहरूलाई एउटा औषधिको डोज थप्नु वा मिलाउनुपर्ने भएकाले जान लागेको ब्रिफिङ गरेका थिए।

उनले बुधबार आयोजित कार्यक्रममा संविधान दिवसअगाडि नै आउने भनेका थिए । उनी भाद्र २० गते नेपाल फर्कने कार्यक्रम रहेको जानकारी दिइएको छ ।

प्रकाशित : भाद्र ५, २०७६ १३:४४
पूरा पढ्नुहोस्
प्रतिक्रिया
पठाउनुहोस्