ट्रेकिङ गाइडलाई तालिम

कान्तिपुर संवाददाता

काठमाडौँ — कोरियाली दूतावास र कोरिया टुर्स एन्ड ट्रेकिङ अपरेटर एसोसियसन अफ नेपालले (किटोन) ले ५५ जना नेपाली ट्रेकिङ गाइडलाई तालिम पर्यटकको उद्धार र उपचारसम्बन्धी तालिम प्रदान गरेको छ ।

पर्यटन बोर्डमा मंगलबार आयोजना गरिएको तालिममा नेपालमा कोरियन पर्यटकलाई व्यवस्थापन गर्ने टुर तथा ट्रेकिङ कम्पनीका गाइड तथा सहायक गाइड थिए । कार्यक्रममा कोरियाली राजदूत पार्क योङ सिक तथा किटोनका अध्यक्ष अमरबहादुर शाहीले सहभागीहरूलाई प्रमाणपत्र वितरण गरेका थिए । अध्यक्ष शाहीले विगत ५ वर्षको अवधिमा नेपाल भ्रमण गर्ने कोरियाली पर्यटक उल्लेख्य बढेको बताउँदै आगामी भ्रमण वर्षमा अझै बढ्ने बताए ।

प्रकाशित : भाद्र ४, २०७६ ०९:३८
प्रतिक्रिया
पठाउनुहोस्

जीएसएमएको 'स्टार्टअप कोलाबोरेसन वर्कसप’

कान्तिपुर संवाददाता

काठमाडौँ — मोबाइल सेवा प्रदायक कम्पनीहरूको छाता संगठन जीएसएमए (जीएसएमए एसोसियसन) ले एनसेलसँगको सहकार्यमा नेपाली स्टार्टअपहरूका लागि एकदिने ‘स्टार्टअप कोलाबोरेसन वर्कसप’ आयोजना गरेको छ ।

नेपालमा स्टार्ट अप कम्पनीहरू र मोबाइल सेवा प्रदायक कम्पनीहरूका बीचमा सहकार्य सुदृढ पार्न कार्यशाला सञ्चालन गरिएको हो । कार्यशाला स्टार्टअपहरूले कसरी मोबाइल सेवा प्रदायकहरूसँग साझेदारी गर्न सक्छन्, त्यसका लागि आवश्यक उपकरण तथा तयारी के कस्तो हुनुपर्छ भन्नेमा केन्द्रित थियो । यसमा ३० वटा स्टार्टअपका ५० भन्दा बढी प्रतिनिधिहरूको सहभागिता थियो ।

प्रकाशित : भाद्र ४, २०७६ ०९:३८
पूरा पढ्नुहोस्
प्रतिक्रिया
पठाउनुहोस्