१४.०६°C काठमाडौं
काठमाडौंमा वायुको गुणस्तर: १५७

भैरहवा हुँदै मोटरसाइकल आयात बढ्यो

कान्तिपुर संवाददाता

भैरहवा — दुईपांग्रे सवारी साधनको आयात बर्सेनि बढिरहेको छ । भैरहवा नाका भएर जिप, कार, भ्यान, बस र ट्रकको आयात घटे पनि मोटरसाइकल र स्कुटरको भने बढेको हो ।

भैरहवा हुँदै मोटरसाइकल आयात बढ्यो

मधेस आन्दोलनका बेला वीरगन्ज नाका महिनौंसम्म अवरुद्ध हुँदा यहाँबाट चारपांग्रे सवारी साधनको आयात बढेको थियो । वीरगन्ज नाका सहज भएपछि उतैबाट गाडी आयात हुन थालेका छन् । अहिले भैरहवाबाट ठूला सवारी साधनको आयात घटेको देखिएको भैरहवा भन्सार कार्यालयका सूचना अधिकृत कलिराम पौडेलले बताए ।


आर्थिक वर्ष ०७५/७६ मा यस नाकाबाट १ लाख ४५ हजार ८ सय ७९ वटा मोटरसाइकल र स्कुटर आयात भएका छन् । यसको मूल्य १२ अर्ब २९ करोड रुपैयाँ हुन्छ । यी सवारी साधनबाट भन्सार राजस्वसमेत सबैभन्दा धेरै संकलन भएको छ । यो संख्या अघिल्लो आव ०७४/७५ को भन्दा ४४ प्रतिशतले बढी हो ।


अघिल्लो वर्ष ८ अर्ब ४९ करोड रुपैयाँ मूल्यका मोटरसाइकल र स्कुटर आयात भएका थिए । पछिल्लो समय हिरो, होन्डा, टीभीएस, बजाजलगायत कम्पनीका दुईपांग्रे सवारी साधनको भण्डारणसमेत यसै क्षेत्रमा हुने गरेको छ । कार, जिप, भ्यान, ट्रक, मिनी ट्रक र बसको भण्डारण पनि भैरहवा र आसपासमा धेरै हुने गरेको छ ।


प्रकाशित : श्रावण २९, २०७६ ११:११
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?