आगलागीपछि सुबिसुको ९० प्रतिशत सेवा सुचारु

बुधबार दिउँसो जेनेरेटरका लागि स्टोर गरेर राखिएको पेट्रोलबाट अचानक आगलागी सुरु भएको थियो । आगलागीका कारण डाटा सेन्टरमा ठूलो भौतिक क्षति भएपनि २०७२ सालको महाभूकम्पपछि ‘डिजास्टर रकभरी सेन्टर’ पनि संचालन गरेकोले महत्वपूर्ण सेवाहरु आगलागी भएको केही बेरमा नै सुचारु गर्न सकिएको कम्पनीले बताएको छ ।

हाल बालुवाटारको डाटा सेन्टरबाट सुविधा प्राप्त गरिरहेका केही ग्राहकहरुको सेवा सुचारु गर्ने प्रयास भइरहेको र त्यसका लागि अझै केही दिन लाग्ने कम्पनीले बताएको छ ।