स्प्रेड परिमार्जनप्रति बैंक असहमत  

यज्ञ बञ्जाडे

काठमाडौँ — राष्ट्र बैंकले बैंक तथा वित्तीय संस्थामा कर्जा निक्षेपबीचको ब्याज अन्तर (स्प्रेड) गणना विधि (सुत्र) परिमार्जन गरेकोमा बैंकर्स संघले आपत्ति जनाएको छ । अहिलेकै अवस्थामा नयाँ व्यवस्ता लागू भए बैंकको नाफा करिब २५ प्रतिशतले घट्ने भन्दै संघले विमति जनाएको हो । बुधबार बसेको बैंकर्स संघको बैठकले उक्त निर्णय गरेको हो ।

राष्ट्र बैंकले मौद्रिक नीतिमा घोषणा भएको व्यवस्था भन्दै सोमबार स्प्रेड गणना, बैंकास्योरेन्समा बन्देज लगायत विविध विषय कार्यान्वयनका लागि निर्देशन जारी गरेको थियो । सो निर्देशनले बैंकको मुनाफा र व्यवसाय विस्तारमा प्रत्यक्ष असर परेको भन्दै संघले आफ्नो ध्यानाकर्षण भएको जनाएको हो ।

‘परिपत्रमा उल्लेख भएका केही बुँदाहरुले समग्र अर्थतन्त्र तथा बैकिङ क्षेत्रमा दीर्घकालीन रुपमा नकारात्मक असर पार्ने देखिएकाले संघको ध्यानाकर्षण भएको छ,’ विज्ञप्तिमा भनिएको छ । यसकारण ती बुँदाहरु परिमार्जन गर्न पनि संघले राष्ट्र बैंकलाई आग्रह गरेको छ ।

प्रकाशित : श्रावण २२, २०७६ १६:११
प्रतिक्रिया
पठाउनुहोस्

बाँदर लखेट्दा भीरबाट लडेर मृत्यु

वीरेन्द्र केसी

अर्घाखाँची — मकैबारीमा पसेको बाँदर धपाउने क्रममा भीरबाट लडेर १ युवाको ज्यान गएको छ । मालारानी गाउँपालिका–२ अमिलेका ३६ वर्षीय विजय केसीको अमिलेको भीरबाट खसेर बुधबार बिहान मृत्यु भएको प्रहरीले जनाएको छ । 

बारीमा बाँदर पसेर मकैका घोगा भाँच्दै गरेको देखेपछि उनी घरबाट दौडेर मकैबारीमा पुगेका थिए ।
४ वर्षयता मालारानी, छत्रदेव, पाणिनि गाउँपालिका र सन्धिखर्क नगरपालिकाका गाउँमा बाँदरको बिगबिगी बढ्दो छ । मकै जोगाउन कृषकले बारी छेउमै चौकीदारी गर्नुपर्ने बाध्यता छ । बाँदरको ठूलो संख्यामा बगाल भएकाले चौकीदारी बस्दा पनि बारीका आधाभन्दा धेरै मकै नोक्सान गरिदिने कृषकको गुनासो छ ।

प्रकाशित : श्रावण २२, २०७६ १५:५७
पूरा पढ्नुहोस्
प्रतिक्रिया
पठाउनुहोस्