कान्तिपुर वेबसाईट
AdvertisementAdvertisement

अर्थमन्त्रीद्वारा आर्थिक सर्वेक्षण पेश- वैदेशिक रोजगारीमा जाने ३५ प्रतिशतले घटे

गरिबी १८.७ प्रतिशत मात्रै
कृष्ण आचार्य

काठमाडौँ — अर्थमन्त्री युवराज खतिवडाले यस वर्षको आर्थिक गतिविधि जनाउने आर्थिक सर्वेक्षण सार्वजनिक गरेका छन् । प्रतिनिधिसभा र राष्ट्रियसभामा आर्थिक गतिविधिको संक्षिप्त विवरण सार्वजनिक गर्दै सर्वेक्षण सार्वजनिक गरेका हुन् । संसदमा जनाइए अनुसार यस वर्ष ७ प्रतिशतले आर्थिक वृद्धि हुने छ । 


‘निरपेक्ष गरिबीको रेखामुनि रहेको जनसंख्या १८.७ प्रतिशतमा झरेको छ,’ खतिवडाले आर्थिक सर्वेक्षण सार्वजनिक गर्दै भने । यस अघि निरपेक्ष गरिबीको रेखामुनी रहेको जनसंख्या २१.६ प्रतिशत रहेको थियो । २.९ प्रतिशत विन्दुले घटेको सर्वेक्षणले जनाएको छ ।


‘वैदेशिक रोजगारीमा जानेको संख्या ३५.९ प्रतिशतले घटेको छ,’ उनले भने । रेमिट्यान्स आप्रवाह २३.४ प्रतिशतले वृद्धि भइ ५ खर्ब ८२ अर्ब रुपैयाँ पुगेको उनले बताए ।


‘४.२ प्रतिशत मुद्रार्स्फीति रहने । धेरै दशक यता आन्तरिक बचतले २० प्रतिशत विन्दु नाघेको छ,’ उनले भने । फागुन मसान्तसम्ममा शोधानान्तर स्थीति ५९ अर्ब घाटामा रहेको बताए । ‘यस अवधिमा चालु खाता १ खर्ब ९१ अर्बले घाटामा रहेको कारण विप्रेषण अप्रवाह २३.४ प्रतिशतले वृद्धि भई ५ खर्ब ८२ पुग्दा पनि हाम्रो भुक्तानी सन्तुलनमा केहि चाप परेको छ,’ उनले भने । सार्वजनिक ऋण ९ खर्ब पुगेको उनले बताए ।


प्रकाशित : जेष्ठ १३, २०७६ १२:१६
प्रतिक्रिया
पठाउनुहोस्

बम आतंक फैलाएर राजनीतिक उद्देश्य प्राप्त हुँदैन : दाहाल

माधव घिमिरे, विनु तिम्सिना

विराटनगर — सत्तारुढ नेकपाका एक अध्यक्ष एवं पूर्वप्रधानमन्त्री पुष्पकमल दाहालले बम आतंक फैलाएर मात्रै राजनीतिक उद्देश्य प्राप्त नहुने बताएका छन् । 


विराटनगर विमानस्थलमा सञ्चारकर्मीहरुसित सोमबार कुरा गर्दै उनले एक दुईवटा बम विष्फोट हुँदैमा राजनीतिक स्थिरता छैन भनेर सोच्न नहुने पनि उल्लेख गरे ।

‘राजनीति रुपले राजनीतिक स्थिरता आएकै छ’ उनले भने, ‘एक दुईवटा बम विष्फोट हुँदैमा राजनीतिक स्थिरता छैन भनेर सोच्नु हुँदैन ।’

फेरि पनि हिंसाका घटना भइरहेकोतर्फ ध्यानाकर्षण गराउँदा दाहालले भने, ‘बम आतंक फैलाएर मात्र राजनीतिक उद्देश्य प्राप्त हुन्छ भन्ने कुरा ठान्नु विल्कुल सही छैन ।’

सरकारले प्रतिवन्ध लगाएको नेक्रवित्रम चन्द समूहको गतिविधि अब धेरै अघि नजाने संकेत दाहालले गरे । ‘मलाई लाग्छ यो अन्तिम अन्तिम हुनुपर्छ । उहाँहरु अन्तत वार्तामा आउनुको विकल्प छैन’ उनले भने, ‘शान्तिपूर्ण राजनीतिमा आउनुको विकल्प छैन ।’

अहिलोको राष्ट्रिय र अन्तर्राष्ट्रिय परिस्थिति, जनताको चाहना, भावना, राष्ट्रको आवश्यकता बम पड्काउने नभएको उल्लेख गर्दै दाहालले यतिबेला सबै मिलेर विकास निर्माण र समृद्धितिर समाजवादको नयाँ ढंगले तयारी गर्नतिर लाग्नुपर्नेमा जोड दिए ।

‘बन्द इत्यादि जुन उहाँहरुले गरिरहनु भएको छ, सायद प्रकारान्तरले यो वार्ताको वातावरण बनाउनकै लागि गरिरहेको हो भन्ने मलाई लागिरहेको छ’ दाहालले भने ।

वार्तामा आउने भनेपछि प्रतिवन्ध ठूलो समस्या नभएको भन्दै दाहालले वार्ताको पहल भइरहेको संकेत पनि गरे । के पहल भइरहेको छ भन्ने जिज्ञासामा दाहालले भने ‘पहल भइरहेको होला नि, सीके राउतको पहल भइरहेको थाहा भएन एकैचोटी परिणाम आएपछि थाहा भयो ।’

प्रकाशित : जेष्ठ १३, २०७६ ११:५४
पूरा पढ्नुहोस्
प्रतिक्रिया
पठाउनुहोस्
×