चौधरीको सम्पत्ति २० अर्बले बढ्यो

कान्तिपुर संवाददाता

काठमाडौँ — विनोद चौधरीको सम्पत्ति एक वर्षमा करीब २० अर्ब रुपैयाँ बढेको छ । चर्चित अमेरिकी म्यागेजिन फोर्ब्सले सार्वजनिक गरेको सन् २०१९ का विश्वभरका धनाढ्यको सूचीमा चौधरी १ हजार ३ सय ४९ औं स्थानमा छन् । उनको कुल सम्पत्ति १ अर्ब ७० करोड डलर रहेको फोर्ब्सको आकलन छ । 



गत वर्ष चौधरीको सम्पत्ति १ अर्ब ५० करोड अमेरिकी डलर थियो । एक वर्षमा चौधरीको सम्पत्ति २० करोड अमेरिकी डलर अर्थात २२ अर्ब रुपैयाँले बढेको हो ।

फोर्ब्सको तथ्यांकलाई आधार मान्ने हो भने चौधरीको सम्पत्ति सन् २०१३ यता ७० अर्ब रुपैयाँ बढेको छ । सन् २०१३ मा पहिलो पटक फोर्ब्सको अर्बपति सूचीमा पर्दा चौधरीको कुल सम्पत्ति एक अर्ब अमेरिकी डलर थियो ।

२०१५ मा १ अर्ब ३० करोड अमेरिकी डलर पुगेको उनको सम्पत्ति अर्को वर्ष २० अर्बले घटेको फोर्ब्सको तथ्यांक छ । त्यसयता चौधरीको सम्पत्ति प्रतिवर्ष २२ अर्ब रुपैयाँका दरले बढ्दो छ ।

६३ वर्षीय चौधरी सीजी कर्प ग्लोबल र चौधरी ग्रुप नेपालका मालिक हुन् । चौधरीको नबिल बैंकमा ठूलो लगानी रहे पनि खाना, विद्युतीय सामग्री, बियर होटलमार्फत पनि उनले मनग्ये आम्दानी गर्ने फोर्ब्सले जनाएको छ ।

सबैभन्दा बढी आम्दानी उनले नेपालसहित विभिन्न मुलुकमा फैलिएको वाइवाई चाउचाउबाट कमाएका छन् । वाइवाईको भारत, सर्बिया, साउदी अरयिबा र बंगलादेशमा पनि उद्योग खुलेका छन् । चौधरीको भारतस्थित ताज होटलसहित अन्य २९ वटा होटलमा लगानी छ । नेपालमा रहेर छोरा निर्वाण र विदेशमा रहेर राहुल र वरुणले चौधरीलाई व्यवसायमा सघाइरहेका छन् ।

यो वर्ष अर्बपतिहरूको कुल सम्पत्ति र अर्बपतिको संख्या दुवै घटेको फोर्ब्सले जनाएको छ । फोर्ब्सका अनुसार यो वर्ष अर्बपतिको सूचीमा विश्वभरका २ हजार १ सय ५३ व्यक्ति अटाएका छन् । यो संख्या सन् २०१८ को भन्दा ५५ ले कम हो ।

विश्वभरका अर्बपतिहरूको कुल सम्पत्ति ८० खर्ब ७० अर्ब डलर रहेको फोर्ब्सले जनाएको छ । यो सन् २०१८ को भन्दा करिब ४ खर्ब डलरले कम हो । सन् २०१८ मा अर्बपतिको सूचीमा परेका करिब ११ प्रतिशत अर्थात् २ सय ४७ व्यक्ति यो वर्षको अर्बपति सूचीबाट बाहिरिएको फोर्ब्सले जनाएको छ । एक पटक अर्बपति सूचीमा परेका व्यक्ति अर्को वर्ष बाहिरिएको यो संख्या सन् २००९ यताकै सबैभन्दा धेरै हो । उक्त वर्ष विश्वव्यापी आर्थिक मन्दीका कारण धेरै अर्बपतिले सम्पत्ति गुमाएका थिए ।

एसिया प्रशान्त क्षेत्रमा मात्रै गत वर्ष सूचीमा परेका ६० अर्बपति यो सूचीबाट बाहिरिएका छन् । चीनबाट गत वर्ष सूचीमा परेका ४९ जना यो वर्ष बाहिरिएका छन् । यो वर्षको सूचीमा १ सय ९५ जना नयाँ अर्बपतिहरू समावेश छन्, जो यसअघि कहिल्यै सूचीमा परेका थिएनन् ।

२१ वर्षीया कस्मेटिक उद्यमी केली जेनर यो वर्ष सूचीमा परेकी सबैभन्दा कान्छी अर्बपति हुन् । यसअघि फेसबुक मालिक मार्क जुकरवर्गको नाममा कान्छा उमेरमा अर्बपति भएको रेकर्ड थियो । उनी २३ वर्षको उमेरमा अर्बपतिबनेका थिए ।

अघिल्लो वर्षझैं यसपालि पनि अमेजनका मालिक जेफ बेजोस र उनको परिवार विश्वका सबैभन्दा धनाढ्यमा दरिएका छन् । केही महिना डिभोर्स गरेका बेजोसको पत्नीको नाममा उनको केही सम्पत्ति छ ।

बिल गेट्स यो वर्ष पनि विश्वका दोस्रो धनाढ्य सूचीमा छन् । उनीपछि तेस्रो नम्बरमा वारेन बफेट र बर्नाड अर्नल्ट छन् ।

प्रकाशित : फाल्गुन २३, २०७५ ०९:४२
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

शिक्षा मन्त्रालय र आन्दोलनरत शिक्षकबीच सहमति 

सुदीप कैनी

काठमाडौँ — स्वतः स्थायीको माग राखेर आन्दोलनरत राहत, करार, अस्थायी र प्रारम्भिक बालविकास केन्द्र (ईसीडी) का शिक्षक र शिक्षा मन्त्रालयबीच सहमति भएको छ । 

शिक्षा ऐनमा स्वतः स्थायीको प्रावधान माग्दै प्रदर्शनमा उत्रिएका शिक्षक । तस्बिर : अनिश रेग्मी/कान्तिपुर

राहत र ईसीडी शिक्षक केन्द्रीय समिति शतप्रतिशत शिक्षकलाई आन्तरिक प्रतिस्पर्धाबाट स्थायीकाे माग गर्दै अन्दाेलनमा थिए।संघीय शिक्षा विधयेकको मस्यौदामा ८० प्रतिशत खुला र २० प्रतिशत आन्तरिक प्रतिस्पर्धाबाट शिक्षक स्थायी गर्ने प्रावधान छ ।

बुधबार भएकाे सहमतिमा उक्त प्रतिशत हटाउने र आवश्यक कार्यविधि बनाएर आन्तरिक/खुल्ला प्रक्रियाबाट तोकिए बमाेजिम गर्ने सहमति भएको छ।

सहमति पछि बिहीबार देखि शिक्षकहरु पढाउन फर्किएको राहत शिक्षकका अध्यक्ष खेमराज अधिकारीले बताए।

मुलुकभर ४० हजार राहत, ३६ हजार ईसीडी, १३ हजार करार र अस्थायी शिक्षक छन् ।

याे पनि पढ्नुहाेस् ....

प्रकाशित : फाल्गुन २३, २०७५ ०९:३८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT