कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १४९

एक वर्षभित्र बूढीगण्डकीको टेन्डर

काठमाडौँ — नेपालको ऊर्जा संकट निवारणका लागि महत्त्वपूर्ण मानिएको जलाशययुक्त आयोजना बूढीगण्डकी निर्माणका लागि सरकारले एक वर्षभित्र टेन्डर गर्ने भएको छ ।

एक वर्षभित्र बूढीगण्डकीको टेन्डर

ऊर्जामन्त्री वर्षमान पुनले मंगलबार सार्वजनिक गरेको श्वेतपत्रमा एक वर्षभित्र बूढीगण्डकी जलविद्युत् आयोजना निर्माणका लागि टेन्डर खोल्ने उल्लेख गरिएको छ ।


यसअघि पुष्पकमल दाहाल नेतृत्वको सरकारले बिनाप्रतिस्पर्धा चिनियाँ कम्पनी गेजुवालाई १ हजार २ सय मेगावाट क्षमताको आयोजना निर्माणको जिम्मा दिने निर्णय गरेको थियो । तर, बिनाप्रतिस्पर्धा निर्माण जिम्मा दिइएको भन्दै विरोध भएपछि शेरबहादुर देउवा नेतृत्वको सरकारले अघिल्लो सरकारले गरेको निर्णय खारेज गर्दै नेपालकै लगानीमा बूढीगण्डकी जलविद्युत् आयोजना बनाउने निर्णय गरेको थियो ।


सरकारले बूढीगण्डकी जलविद्युत् आयोजना निर्माणका लागि आवश्यक पर्ने वित्तीय स्रोतको पहिचान गर्न राष्ट्रिय योजना आयोगका तत्कालीन उपाध्यक्ष स्वर्णिम वाग्लेको संयोजकत्वमा एक समितिसमेत गठन गरेको थियो । समितिले तयार पारेको प्रतिवेदनमा बूढीगण्डकी जलविद्युत् आयोजना नेपालीकै लगानीमा बनाउन सकिने भन्दै सरकारले यसका लागि करिब ९४ अर्ब भायाबिलिटी ग्याप फन्डिङअन्तर्गत सरकारले लगानी गर्नुपर्ने सुझाव दिएको थियो । बूढीगण्डकी जलविद्युत् आयोजनाको लागत २ खर्ब ७० अर्ब अनुमान गरिएको छ । सरकारले २०७३/०७४ को बजेटमा बूढीगण्डकी स्वदेशी लगानीमा बनाउने भन्दै इन्धनमा प्रतिलिटर ५ रुपैयाँ पूर्वाधार कर लिने व्यवस्था गरेको थियो । अहिलेसम्म पूर्वाधार करबापत १६ अर्ब रुपैयाँभन्दा बढी रकम संकलन भइसकेको छ ।


सरकारले आर्थिक वर्ष २०७३/७४ मा आयोजना प्रभावितलाई मुआब्जा वितरण गर्न ५ अर्ब बजेट विनियोजन गरेको थियो । चालु आर्थिक वर्षमा आयोजना अघि बढाउन १० अर्ब रुपैयाँ विनियोजन गरिएको छ ।

प्रकाशित : वैशाख २६, २०७५ १०:०२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?