कथाकार रेणुका जीसीको पहिलो कथासंग्रह ‘सनेस’ ले नेपाली समाजको यथार्थ ऐना देखाउँछ । सरल, प्रवाहमय भाषामा यी कथाहरूले पहाड, मधेसका नभनिएका कथा भन्छन् । यी कथाका परिवेश हुन्– पर्वत र रौतहट । लेखक बाँचेको समाज, समयको यथार्थलाई टपक्कै टिपेर सुन्दर शिल्पमा यी कथाले समाजको वास्तविक चित्र–चरित्र उतारेको छ । मौलिक र विश्वसनीय लेखनशैलीले पाठकलाई आफ्नै कथा पढिरहेजस्तो लाग्नु संग्रहको विशेषता बनेको छ ।
