सञ्‍जय पन्थी

अर्थशास्त्रमा नोबेल पुस्कार विजेता प्राध्यापक इलोनाएर ओस्ट्रमले प्राकृतिक साधनस्रोतको विनाश रोक्न वा संरक्षण गर्न विकास सिद्धान्तको व्याख्या गरेकी छन् । प्राकृतिक साधनस्रोतको दिगोपन र विवेकपूर्ण प्रयोगबारे व्याख्या गरेकी छन् । यसै वैज्ञानिक अनुसन्धान गरे बापत उनलाई सन् २००९ मा अर्थशास्त्रतर्फ नोबेल पुरस्कार प्राप्त भएको थियो । उनले नेपालको सिँचाइ, सामुदायिक वनजस्ता विषयमा अनुसन्धान गरेकी थिइन् ।

चुरे पर्वत श्रृंखलालाई शिवालिक पनि भनिन्छ । यो श्रृंखला नेपालको पूर्वदेखि पश्चिमसम्म करिब ३६ जिल्लामा फैलिएको भौगोलिक परिवेश हो । अझै हिमाल र तराईको सेतुका रुपमा अवस्थित यो श्रृंखला पहाडी वनपाखा र खोलानालाहरुको सम्मिश्रणको महत्वपूर्ण भूसंरचना हो । भूपरिवेशको हिसाबले हेर्दा पृथ्वीको सतहमा देखिने प्रकृतिले निर्माण गरेको अतिविशिष्ठ र महत्वपूर्ण भूसंरचना हो ।