नम्रता थापा

साझा उद्देश्य प्राप्तिका लागि सँगसँगै काम गर्नु सहकार्य हो । यही सहकार्य र समन्वयको परिवर्तित स्वरूप नै आजका सहकारी हुन् । नेपाली समाजमा परम्परागत रूपमा मुस्ताङका थकाली जातिमा रहेको ढिकुर, काठमाडौं उपत्यकाका नेवारको गुठी, मगरको भेजा, पर्म, पैंचो, धर्मभकारी जस्ता प्रचलित विभिन्न सामाजिक प्रथा वा कार्य सहकारी शब्दका पर्यायवाची हुन् । यस्तै यस्तै अनौपचारिक संगठनको विस्तृत रूपबाट नै समन्वय र सहकार्य हुँदै औपचारिक सहकारी संस्था स्थापनाको आधार बन्यो । 

सञ्चारकर्मी टीकाराम यात्रीले अमेरिका भ्रमणका क्रममा नेपालीभाषीहरूसँग गरेको अन्तरक्रियाको भिडियो युट्युबमा हेरेकी थिएँ । १ जनवरी २०२३ मा अपलोड गरिएको त्यस भिडियोमा मेरो ध्यान अमेरिकी समाजबाट हामीले सिक्नुपर्ने मुख्य दुई कुराले ताने- सरसफाइ र समय व्यवस्थापन ।