नेपालीहरूको महान चाड दसैं आउँदैछ । परदेशबाट घरदेश जान नेपालीहरूका लागि दसैंबाहेक अर्को महत्त्वपूर्ण बहाना हुन सक्दैन । केही वर्षयता भने दसैंको छेको पारेर गैरआवासीय नेपालीहरूको सम्मेलन नेपालमै हुँदै आइरहेको छ । ‘एक पन्थ दो काज’ भनेजस्तो हुन्थ्यो दसैं र एनआरएनए सम्मेलन । तर दुई वर्षयता कोरोना भाइरस (कोभिड) को महामारीले हिँडडुल सम्भव भएन । महामारी मत्थर हुँदै जाँदा नेपालीहरू घर फर्कन गुन्टा कसिरहेका छन् ।