हाम्रो प्रदेशको पहिचान र भविष्य लुम्बिनीसँग जोडिएको जस्तो मलाई लाग्छ । विश्व इतिहासमा लुम्बिनी पत्ता लागेको आज १२७ वर्ष पुगेको छ । अशोक स्तम्भमा लेखिएका हरफहरू फेला पारेर डा. फुहरर र खड्ग शमशेरले लुम्बिनी पत्ता लगाएका थिए । भविष्य बुझ्नका लागि इतिहास पल्टाएर हेर्नुपर्छ भन्ने गरिन्छ । यही बुझ्ने क्रममा हामीले सन् १८९६ देखि अहिलेसम्मको घटनाक्रम हेर्दा यसमा सम्भावना, चुनौती वा अड्चनहरू केलायौं । यसले आउँदो दिशाबोध दिन्छ भन्ने हामीलाई लागेको छ ।
