लोकराज बराल

मलाई हालै एक जना टेलिभिजन अन्तर्वार्ताकारले नेपालमा गठबन्धनको संस्कारले कसरी स्थायित्व लिन सक्ला भनी प्रश्न गरे । मेरो सोझो उत्तर थियो— नेपालमा न राजनीतिक संस्कार छ न त गठबन्धनका आधार नै बलिया छन् । गठबन्धन भत्काउने कारक तत्त्व निकै छन् र तीमध्ये प्रमुख हुन्— सिद्धान्त र एजेन्डाविहीन गठबन्धन, नेतृत्वको कमजोरी र व्यक्तिवादी सोच, बाह्य प्रभाव र तिनको व्यवस्थापन गर्ने संस्था एवं सफल कूटनीतिको अभाव ।