सरकारले अस्ट्रेलियाका लागि नेपाली राजदूत महेश दाहाललाई फिर्ता बोलाउने निर्णय गरेको छ । मन्त्रिपरिषद्को आइतबार (वैशाख १९ गते) को निर्णय अनुसार राजदूत दाहाललाई फिर्ता बोलाउने निर्णय गरिएको एक मन्त्रीले कान्तिपुरलाई जानकारी दिए ।
भारतमा हरेक दिन ४ लाखभन्दा बढी कोरोना संक्रमित थपिन्छन् । नेपालमा पनि सात हजारभन्दा बढी थपिन थालेका छन् । अवस्था भयावह बन्दै छ । आम नागरिक भयभीत छन् । राज्यका संयन्त्रहरू संक्रमण रोकथाम, नियन्त्रण र संक्रमितको उपचारमा प्रभावकारी हुन सकेका छैनन् ।
कोरोना भाइरसको दोस्रो लहरका कारण भारत आक्रान्त छ । खुला सिमानाका कारण त्यसको असर नेपालमा पनि पर्न थालेको छ । संक्रमण रोकथामका लागि सरकारले उपत्यकासहित विभिन्न स्थानमा निषेधाज्ञा लगाइरहेको छ ।
नेपाली सेनाले नयाँ प्रशासनिक सैनिक संरचना निर्माणको काम अघि बढाएको छ । सेनाले ‘तीन जोर एक’ अर्थात् ‘थ्री प्लस वान’ अवधारणाअनुसार मुलुकलाई सुरक्षाका आधारमा चार कमान्डमा छुट्टयाएको थियो । सोही व्यवस्थाअनुसार चार कमान्ड हेडक्वार्टरहरूमा दरबन्दी स्थापना गरी चार उपरथीहरूलाई कमान्ड प्रमुखका रूपमा नियुक्त गरिएको हो ।
कोभिड–१९ संकट व्यवस्थापन केन्द्र (सीसीएमसी) ले तत्कालका लागि अस्पतालबाहेक अन्य कुनै पनि उद्योग वा क्षेत्रमा अक्सिजन प्रयोग गर्न नपाइने निर्णय गर्न मन्त्रिपरिषद्लाई सिफारिस गरेको छ ।
चीनले नेपालसहित दक्षिण एसियाका अन्य ५ मुलुकहरुसँग मिलेर संयुक्त रुपमा काम गर्ने भन्दै ‘६ देशीय सहयोग संयन्त्र’ को रुपरेखा अघि सारेको छ । दक्षिण एसियाका भारत, माल्दिभ्स र भुटानबाहेकका ५ मुलुकहरुसँग मिलेर सहयोग संयन्त्र बनाउने प्रस्ताव चीनले अघि सारेको हो ।
चीनले नेपाललाई कोभिड–१९ को रोकथाम र नियन्त्रणका लागि ५ मिलियन आरएमबी (करिब ९ करोड १८ लाख ५१ हजार रुपैयाँ) बराबरको सामग्री सहयोग गर्ने प्रतिबद्धता गरेको छ । परराष्ट्र मन्त्रालयका अनुसार चीनका स्टेट काउन्सिलर तथा विदेशमन्त्री वाङ यीले भिडियो कन्फरेन्समा सहयोगको प्रतिबद्धता जनाएका हुन् ।
नेपाली सेना साउनदेखि ‘थ्री प्लस वान’ अर्थात् ‘तीन जोर एक’ कमान्ड भएको नयाँ संरचनामा जाने भएको छ । अब सेनामा चार कमान्ड हुनेछन् । पूर्वमा कोसी नदीको बहावका आधारमा पूर्वी कमान्ड, गण्डकी नदीको बहावका आधारमा मध्य कमान्ड र कर्णाली नदीको बहावको आधारमा पश्चिम कमान्ड हुनेछन् ।
कोरोना महामारीको ‘हटस्पट’ बनेको भारतबाट स्थलमार्ग हुँदै सर्वसाधारण निर्बाध रूपमा नेपाल प्रवेश गरिरहेका छन् । त्यसलाई रोक्न सरकारी प्रयास अझै प्रभावकारी बन्न सकेको छैन ।
कोरोनाविरुद्धको खोप अभाव हुने अवस्था आएपछि सरकारले खरिदका लागि प्रमुख खोप उत्पादक मुलुकसँगको संवादलाई अगाडि बढाएको छ । खोप उत्पादक प्रमुख मुलुक अमेरिका, चीन, रुस र बेलायतसँगको संवादलाई सरकारले तीव्रता दिएको हो । भारत आफैंलाई खोप अभाव हुन थालेपछि भारतबाहेकका मुलुकसँग आयातका लागि गृहकार्य थालेको सरकारी भनाइ छ ।
