नवौं राष्ट्रिय खेलकुदको सय मिटर दौडमा सशस्त्र प्रहरीका शिवराज पार्कीले स्वर्ण पदक जितेका छन् । पोखरा रंगशालास्थित एथलेटिक्स ट्याकमा शनिबार भएको दौडमा उनले १०.५६ सकेन्डमा दौड पूरा गर्दै स्वर्ण हात पारेका हुन् ।
नेकपा (एमाले)को १०औं महाधिवेशनअन्तर्गत शनिबार अपराह्नदेखि बन्द सत्र सुरु भएको छ । चितवनको सेभन स्टार होटल परिसरमा जारी बन्द सत्रमा एमालेले आमन्त्रण गरेका विदेशी पाहुनाहरुले सम्बोधन गरिरहेका छन् । बिहान १० बजेदेखि सुरु हुने भनिएको बन्दसत्र ३ बजेदेखि सुरु भएको हो ।
