'स्काउटले सम्झौताअनुसारका काम गर्न व्यवधान पुर्‍यायो'

यो कम्पनीले स्काउट परिसरमा लैनचौर बाङ्क्वेट संचालन गर्दै आएको छ । उक्त बाङ्क्वेटले गत शुक्रबार प्रहरी प्रयोग गरेर स्काउटको गेटमा लगाएको ताल्चा फोडेको थियो । कम्पनीले आइतबार पत्रकार सम्मलन गर्दै विगतदेखिका घटनाक्रम उल्लेख गरी स्काउटको नेतृत्वले काम गर्ने नदिएको दाबी गरेको हो ।

'सम्झौता बमोजिम आफ्नो व्यवसाय सञ्चालन गर्दै आएपनि नेपाल स्काउटको वर्तमान नेतृत्वले आफ्नो व्यक्तिगत स्वार्थका लागि हामीले सञ्चालन गर्दै आएको कामप्रति अवरोध पुर्याफउँदै आएको कुरा यसअघिका घटनाक्रम बाट पनि छर्लङ्गै छ' कम्पनीले जारी गरेको विज्ञप्तिमा छ,'निश्चित समयका लागि सञ्चालन गर्न बनाईएका संरचनालाई विना सूचना भत्काउन खोज्ने, भाडामा बस्नेलाई धम्क्याउने, तर्साउने, दुःख दिने, हाम्रा कर्मचारीलाई दुःख दिने, ढल,पानी बत्ती काटी दिने तथा मुल गेटमा तालाबन्दी गरीदिने जस्ता अमानवीय कार्यहरु गर्दा समेत यस प्रा.लि.ले सम्झौता अवधिभर निर्वाध ढङ्गले व्यवसाय गर्न दिन पटक–पटक स्काउटसँग अनुरोध गर्दै आएको छ यद्यपी हाम्रो अनुरोध कहिल्यै सुनिएन ।'

स्काउटले गरेका कामहरुबारे अदालतमा न्यायिक निरुपणका लागि निवेदन दिएको र त्यो निवेदन विचाराधिन रहेको अवस्थामा त्यसलाई प्रभावित पार्ने काम भएको कम्पनीले उल्लेख गरेको छ ।